عجينة لكل المعجنات
بواسطة: جنة مشاعر
تاريخ الوصفة: 03/03/2021
عجينة لكل الاستعمالات في المعجنات
عجينتي الحمدلله قطن قطن بشكل ماتتخيلونه وريحتها تهبل ولو بقى شي زياده تقدرين تدخلينها الثلاجه وتطلعينها من بكره وهي نفس الريحه والطعم مايتغير
اقولكم ع عجينتي وبعدها بقولكم الاسـرار معها
مقادير ومكونات العجينة :
3 كاسات دقيق المروه او دقيق كويتي كلها نفس الشي
اخذ كاسين واحطها في زبديه وكاس اخليه ع جنب
احط ع الكاسين ملعقة ونص كبيره خميره فوريه
وملعقة ونص بكنج بودر
وذرة ملح
وثلاثة ارباع فنجال سكر
وتقريبا ثلاثة ارباع او نص كاس لبن او حليب او زبادي
اهم شي تضيفين حاجه من مشتقات الحليب
بعدين تضيفين مويه دافيه اهم شي دافيه مايله للحراره
مو تحطينها حاره ترى بتخرب العجينه وماتطلع لك بالقوام الي تبينه
وتعجنين لين تحصلين ع الليونه اللي تبين
شفتوا كاس الدقيق اللي خليناه ع جنب
هذا ضيفوه شوي شوي مع الزيت لين تتماسك العجينه وماتصير تتلصق باليد
واذا صارت العجينه قاسية شوي عقب ماعجنتيها عادي حطي شوية مويه ودقيق حاجه بسيطه وشوية زيت عشان ماتتلصق باليد
خلاص ناسبتك العجينه وليونتها
يله اعجني واعجني واعجني من سبع الى عشر دقايق
راح تنتفخ العجينه وانتي تعجنينها ترى هذا افضل شي معناها شغلك ممتاز
يله خلصتي غطيها في مكان دافي وخليها تتخمر ع راحتها من نص الى ساعه الا ربع
واذا مستعجله عادي ابدي الشغل مافيه مشكله
بس قبل لاتدخلينها الفرن سواء خليتيها تتخمر او بديتي الشغل
خليها عشر دقايق عشان تنتفخ الفطاير او البيتزا مثلا وتكوني بهالفتره مشغله الفرن
لان لما تدخليها والفرن بارد راح تقسى وتطلع تفشل
وكلما كان مدة جلوسها بالفرن قليله راح تضبط معتس ان شاء الله
_ اول ماتطلع من الفرن ع طول خليها تفك حرارتها شوي بعدين اكتميها داخل حافظه
طبعا حطي تحتها ورق نشاف عشان يمتص البخار ومن فوقها بعد
واستمتعي باحلى والذ واقطن معجنـات و على قلبك بالعافيــه
بس انتبهي لاحد يدمن معجناتكم وتبتلشون
وبالعافية
