ملفوف البيض المقلي بحشوة رز بالدجاج من المطبخ الياباني
بواسطة: همس الشتاء
تاريخ الوصفة: 04/10/2015
طبق ياباني عباره عن رز بالدجاج ملفوف ببيض مقلي
المقادير :
صدور دجاج مقطعه شرايح
رز أبيض مسلوق
بصله مقطعه صغار
2 ثوم مقطع صغار
مكعب ماجي مقطع صغار
شويه فطر
طبقه البيض عباره عن :
بيضتين مع ملعقه كبيره كريمه خفق
شوي ملح وشوي فلفل
نسوي طبقه البيض ونخليها ع جنب
نحط الزيت ع المقلاه ثم الثوم
والبصل لين يصفر ونحط الدجاج والفطر ونقلبهم شوي
بعدها نضيف ملعقتين صلصه طماطم
وملعقه ونص كاتشب
ومكعب الماجي والفطر
ونضيف الرز الأبيض ونحركهم سوا
ونحطه بصحن ع جنب
الحين نسوي البيض
نضيف الزيت ثم نسكب خليط البيض لين يبدا يستوي
ونحط الرز جواه وناخذ الاطراف نقفلها ع الرز
ونقلبها بالصحن ونزينها مثل مانبي
انا رسمت عليها بالكاتشب
