عجينة التانق زونق للحصول على أفضل عجينه قطن بالصور

طريقة عمل عجينة التانق زونق افضل عجينه قطن بالصور خطوة خطوة
tang zhong water roux

ما هو Tangzhong ؟

هي طريقه منتشره في اليابان والصين لصنع العجين باشكاله ( المكرونه الكعك ، النودلز )

يستخدم فيها خليط من الدقيق يقابله 5 اضعاف الكميه من الماء يتم تسخينه بالحراره لتصل حرارته 65 درجه مؤية

ثم يضاف عجينة التانق زونق للعجينه الأصليه مما يجعل الغالوتين في الدقيق يمتص الرطوبه اكثر فينتج عنه عجينه اكثر ليونه و تعيش لفتره اطول .

مقادير عجينة التانق زونق :

25 جرام دقيق [ قسته بالملعقه تبع القياس وكانت ملعقتين ]

125 جرام ماء [تقريبا نص كاس ماء ]

شفتوا وش حلاته بس ماء ودقيق يكون الماء ضعف كمية الدقيق 5 مرات


نبدأ بطريقه عمل عجينة التانق زونق :

نقيس الماء ونضعه في قدر ستيل عشان ما يسود الخليط

نضيف مقدار الدقيق ونخلط الى نحصل على خليط مافيه اي كتل

ثم نرفعه على نار هادئه ونقلب وما نشيل ايدينا منه عشان ما يلصق الدقيق بقاع القدر


شايفين كيف شكله هو بيصير له مثل الرغوه


ونستمر بالتقليب حتى يبدا يتماسك ويصير قوامه مثل البشاميل من دون ان يغلي

انا ما عندي مقياس حراره هم يقولون لازم حرارته 65 درجه

طيب زمان ما كان فيه مقياس ويعرفون بالخبره والنظر وانا تابعت مقاطع كثيره

واتبعت طريقتهم .

المهم قوامه ثقيل شوي وقابل للصب


نصبه في اي صحن ونغلفه بنايلون ولازم يلامس سطح الخليط عشان ما تتكون قشره


ونخليه لين يصير بحرارة الغرفه ونبدا نستخدمه ,,

هم يقولون ممكن تحتفظ بالخليط في الثلاجه الى 3 ايام

او الى ان يتغير لونه ويصير غامق

انا الصراحه ما جربت احفظه كنت اسويه واستخدمه على طول في نفس اليوم

ملاحظة :

عجينة التانق زونق تضاف لعجينتك المعتمدة حسب المقادير التي تحتاجين