وصفة بيض لذيذه
بواسطة: عبير العميرة
تاريخ الوصفة: 19/03/2015
صبآح السعآده والوصفآت اللذيذه مع البيض
أخذت طريقته من عبوري المبدعه شكراً شكراً عبوره ياسميّتي خيال حبيته مره جربوه بيعجبكم لذيذ مره
:.
الطريقه /
١/ تسلقون البيض .
٢/ تقطعونه عشوائي لا تصغّرون التقطيع يصير متفتت عادي خلوه كبار شوي .
٣/ نجيب تآوه : ونحط فيها شوي زيت أو زبده ونضيف البيض ونقلبه على خفيف ونحط عليه : ( ملح - كزبرة - ريحان - فلفل اسود واحمر - شوي بهارات ايطاليه )
٤/ بعدين تضيفون فلفل أخضر حار للي يحبّه .
٥/ بعدين تضيفون جبنة مبشوره تخلطون اربع انواع جبنة أو اللي تحبون بس النكهات الاربعه تعطي طعم خطييير ( موزريلا ، قشقوان، كرافت ، بارميزان أو حلوم ) كلها بكميات متساويه الا البارميزان يكون شي خفيف لأن مو حلو يصير كثير نكهته بعدين تغطّي على كل الأجبان .!
٦/ اول ماتحطون الجبن تطفون النار وتغطون التاوه بالغطاء شوي ٥دقايق تذوب الاجبان .
٧/ يقدّم مع خس أو جرجير أو طمآطم او سلطة واللي يحب ياكلها بالخبزه .. نقلت الوصفه من عبوره بتصرّف
:.
:.
:. وجعلها هني وعآفيه على قلوبكم
