طريقة عمل قوارب البطاطا المحشية باللحمة و الجبنة و البيض بالخطوات المصورة
بواسطة: إيثار الشام
تاريخ الوصفة: 23/09/2012
طريقة عمل قوارب البطاطا المحشية باللحمة و الجبنة و البيض بالخطوات المصورة
شوفولي هالقارب , ما أحلاه !!!
و طعمه و لله الحمد و المنة جدآ جدآ جدآ لذيذ ( متلكن أكيد )
هلأ , فورآ عالمقادير
عدد من حبات البطاطا ( على حسب رغبتك ) , شكلها و حجمها مناسب
لحمة هبرة مفرومة ناعم و مقلية مع شوية زيت ( معصجة ) و حطيتلها ملح و كمون , و رشة من البهار الطيب يلي عنا
جبنة قشقوان مبشورة
3 بيضات
قطع صغيرة فليفلة خضراء
أوراق خس , و بقدونس مفروم لتزيين الطبق
الطريقة :
شوي بدها صبر و طولة بال , و لكن صدقوني النتيجة بتستاهل :
جيبي حبات البطاطا
اسلقيها عالنار لتستوي 90 % , و بعدين اتركيها لتبرد , و قشريها
, و بعدين بطرف ملعقة صغيرة , احفري خط , يمثل حافة القارب
و بهدوء و حذر شديدين , احفري تجويف داخل حبة البطاطا
ملاحظة : يجب الأخذ بعين الاعتبار ملوحة الجبنة المستخدمة قبل وضع الملح داخل التجويف
الآن : نرش بهار و ملح ( إذا اقتضت الحاجة للملح ) داخل التجويف
نضع الجبنة المبشورة كما في الصورة
ثم نضع اللحمة المقلية فوق الجبنة , و نوزعها جيدآ داخل التجويف , و حتى أطرافه
و من ثم نفقس البيضة بهدوء لكي لا يفقس الصفار أيضآ , نفقسها إلى صحن صغير , ثم بالملعقة : نضع الصفار في منتصف القارب , و من ثم نوزع البياض حوله , و نرش فوقه الملح و البهار
و نضع قطع صغيرة من الفليفلة على الأطراف كما في الصورة .
نمسح الصينية بالزيت و نضع القوارب
و نضع الصينية بالفرن على حرارة منخفضة
, و ننتظر إلى أن يبدأ البيض بالتخثر ( في هذه الأثناء , تذوب الجبنة و تشوى البطاطا ) .
بعدها , نرفع الحرارة قليلآ , و نشعل من الأعلى و الأسفل
و بعد أن يتخثر كل البيض , نخرج الصينية
حطيت القوارب بصحن مزين بأوراق الخس , و البقدونس المفروم
و الطعم كان جدآ لذيذ , و الحمد لله .
ملاحظة : لا تقدميه مباشرة , و هوي ساخن , استني ليبرد شوي , شي عشر دقايق , و قدميه , و إن شالله بالهنا , و الشفا
بتمنى تكون القوارب عجبتكن
و هاي كمان صورة للحبايب
و إلى لقاء قادم مع طبق جديد بإذن الله
و تقبلوا مني كل التحية , و أحلى باقة ورد جوري شامي
و إلي عندكن رجاء صغير
إذا عجبكن موضوعي أرجو منكم الدعاء للشعب السوري بالنصر و الفرج .
و تقبلوا ودي و احترامي
