كريب بالسوسيس والبرجر بالصور

كريب بالسوسيس والبرجر بالصور


المقادير:

1 بيضة
1 كوب لبن
1 كوب دقيق
ذرة ملح
(انا هنا عاملة مقدارين)


الحشو:

4 برجرات مشويين في الفرن
5 سوسيسات مقليين بسرعة كدة
بصلاية مقطعة جوليان
فلفل اخضر مكعبات
طماطماية مقطعة مكعبات
بهاراتك وحبشتكاناتك بقى اللي في المطبخ كلها
كاتشب
مايونيز


الطريقة:


الكريب الأول
نخلط المقادير بتاعة العجينة بالمضرب اليدوي
القلاية اللي في الصورة دي مخصوص للكريب اشتريتها وسعيدة بيها قوي احتمال اجيب 2 او 3 اخليهم عندي ستوك لأي تحركات يبقى معايا قلاية واعمل كريب every where
نقطة زيت على القلاية دي.. ونمسحها ب مناديل مطبخ
بالمغرفة هنصب ونحاول نفردها باننا نميل القلاية
دقيقتين ونقلبها على الوش التاني
ودقيقة ونشيلها
وعادي حطي اللي يجهز فوق بعضو مش بيلزق ولا حاجة
















الحشو:



هنشوي البرجر في الفرن ونقطعو مكعبات
السوسيس نقطعو دواير صغيرة وهنشوحه في القلاية
وفي نفس القلاية نضيف البصل والفلفل والطماطم المقطعين والتوابل والكاتشب والمايونيز
ثواني واقفلي عليهم

بس كدة.. احشي بقى يا جميل وادعيليي