قراقيش بسكوتات .. قراقيشي الشاي له طعم معاكي بالصور
بواسطة: بحب بلدي
تاريخ الوصفة: 20/06/2012
قراقيش بسكوتات .. قراقيشي الشاي له طعم معاكي بالصور
من افضل البسكوتات طعما
لان الاخت مش بتحب تشرب الشاي لوحده لازم يكون معاه اي حاجه كيك بسكوت الخ( رشاقة)
المهم بغض النظر اللي مش هاتجرب هي الخسرانة لانه فعلا قمة الذوبااااااااان
المقادير:
كيلو دقيق ويكون نوع فاخر ضروري انا استخدمت الكويتي طبعا غني عن التعريف
نصف كيلو سمن وانا زودت شوية حوالي 50 جم ( نعمل ايه بتحب الدسم)
م ك خميرة فورية
م ك سكر+ 2 م ك سمسم
م ص ملح
علبة صغيرة روح الموز
حليب دافئ للعجن
الطريقة:
نضع الدقيق في وعاء ونرش علية الملح ثم نعمل حفرة ف الوسط ونضيف السمسم
ثم نقدح السمن لغاية ما يسخن خالص
وطبعا اثناء هذة الفترة نكون ذوبنا الخميرة مع السكر في شوية حليب ونتركها تتفاعل
المهم بعد مانقدح السمن نضعه ع الدقيق ف الحفرة علي السمسم عشان يتحمص
وخلي بالك بحرص شديد لان السمن ساخن وكمان حاولي الاطفال يكونوا بعيد
شوفتي إد ايه ساخنة بس قلبيها مع الدقيق بمعلقة خشب وأكيد مش بايدك لانه لسة ساخن
وسبيها لغاية ماتبرد خالص وبعدين افركيها بايدك كويس جدا لغاية مايختلط الدقيق مع السمن
ويبقي شكلة كدة
ثم نضيف الحليب واحدة واحدة يعني نحط قليل من الحليب ونعجن وكلما احتاج حليب نحطله
ثم نضع خليط الخميرة ونعجن
ثم نضع روح الموز مش تخافوا طعمه مش بيبان قوي
ودي صورته للي مش عارفة
ونرجع نعجن تاني وبعدين نتركها ف مكان دافي حتي تختمر
وبعد الاختمار نيجي بقي لطريقة التشكيل وهي سهلة جدا
ناخد قطعه م العجين ونلفها علي شكل اسطوانه ثم نفردها
بعد مافردناها تقطع بهذا الشكل
ثم ترص في صينية غير مدهونه لان فيها دسم كفاية
ودة حبيت احشية تمر وطلع احلي من اي معمول ذوقتية بدون مبالغة احلي من معمول حلواني إخوان
يقطع بحجم الليمون ونضع التمر ف الوسط
ثم تقفل وتلف بشكل طولي او دائري ذي ماتحبي وتنقش بالمنقاش
ثم تخبز علي درجة حرارة متوسطة عشان يستوي براحته ويجي معاكي هش وخفيف
ودي النتيجة فور خروجها من الفرن
ودي الكمية علي بعضها
وهنا م الداخل هش وخفيف وكأنة طبقات
ردة احلي طبق مع كوب من الشاي لكل البنات
أتمني تجربوه لانه بجد رووووعه اول ماتذوقيه هاتقولي
واااااااااااااو
في رعاية الله وامنه
ولاتحرموني من دعواتكم
الحمد لله الذي أطعمنا وسقانا وكفانا وآوانا فكم ممن لا كافي له ولا مأوي
