مشوي الدجاج في حوش البيت بالصور
بواسطة: دهران
تاريخ الوصفة: 09/06/2012
كان عندي شواية تشتغل على الكهرب جايتني هدية ولها أكثر من سنة ونصف قلت وراني ما أجربها وأشوف وإن ضبطت شريت الشواية اللي مثلها وتشتغل على بطارية السيارة (( شايفها عند السنيدي قبل شهر )) ....... المهم توكلنا على الله وجبنا الفحم وجبنا الدجاج وتبلنا الدجيجات وزبطنا بعض الحركات والبركات من جريشة ومصقعة وسلطة (( واللزي منّه )) أنتم عارفين وداعية للعيد علشان نتجهز لعيد ضحية إن شاء الله .
المهم نترككم مع الصور وبالتفصيل الممل كالعادة وإعذرونا على القصور .
تجهيز الفحم ....
تتبيل الدجاج
صف الدجاج في شبك الشواية الكهربائية .
هنا الله يسلمكم عملية الشوي اللي إستغرقت 45 دقيقة (( مريحة جداً ولا إقلب لا تقلب , إحترق ما إحترق , إستوى ما إستوى ))
تجربة الشوي نجحت 100 % بس باقي تجربة الطعم ...... نشوف مع بعض
تجربة الطعم نجحت أيضاً وبنسبة 100% ولله الحمد والمنّة
ما نقول إلا الله يديمها نعمة ويحفظها من الزوال ويرزقنا شكرها اللهم آمين .
شوفوا ترى الموضوع هذا كله كان علشان أوريكم الشواية وأقول لكم لا تفوتكم لكن ما أدري عاد وشلون تفرع الموضوع وصارت هالملحمة وهالمعركة فإعذرونا على الإطالة وإعذرونا على القصور .
وتقبلوا أعذب وأرق تحية
