
صياديه السمك بالصور
بواسطة: ويبقى حبيبي
تاريخ الوصفة: 31/05/2012

fish sayadieh recipe in arabic

الصياديه المشهوره عندنا بينبع
بسم الله نبداء المقادير مع الطريقه
كمية بصل كبيره من 4ال5حبات بصل كبيره وانا كنت مسويه الصياديه لزوجي واخوانه علشان كذا الكميه كبيره
والآله اللي جنب البصل لازم اقدم لها من هالمنبر كل الشكر والتقدير واقول لها احبك من كل قلبي
ياهي تفك ازمه للسلطه وتقطيع البصل للصياديه

وهنا البصل بعد ماخلصنا فرمه

ونجيب القدر ونحط فيه كمية زيت مناسبه ونحط البصل

ونخليه على النار لين يبداء يغمق لونه


وبعدين نحطه بخلاط البصل ونضيف عليه شوية مويه ونخلطه

ونجيب قدرنا ونحط فيه شوية زيت وبهارات اللي هي عباره عن ليمون ناشف وهيل وورق غار وبهارات مشكلة ومرقة ماجي


ونظيف له البصل المخلوط

ونكون منظفين السمك ومقطعينه ونحطه في القدر ونضيف عليه مويه

ونتركه لفتره بسيطه السمك مايطول يستوي بسرعه
ونخرجه من القدر في صنيه ونولع عليه الفرن شويتين

ونصفي المويه بمصفى ونرجعها بالقدر وبعدين نحط الرز
لين مايستوي


وبعد مايستوي الرز اغرفيه
والان صياديه السمك جاهزة
وبالعافيه


وفيه من يسوي الرز بنفس الطريقه ويقلي السمك انا اسويه كذا لما تكون الكميه قليله
وبالعافيه على قلوبكم