دجاج بالخضار بقدر الضغط بدون ماء بالصور
بواسطة: أم سومه
تاريخ الوصفة: 22/05/2012
مره سريعه ولذيذه وسهله وتساعد الامهات بهل الايام اختبارات والعيال يبغون اكل سريع
وطريقتي بتساعدهم للي بتجرب راح تتدعيلي
بنات الطريقه والمقادير تحت كل صوره
دجاجه نشيل الجلد ونتبلها ببهارات وليمون وملح وحبة ثوم ونتركها
تتشرب التتبيله
نحضر قدر الضغط
ونحط فيه بصلتين مقطعه شرائح
نجهز الخضار اي شي عندك
كوسه بطاط جزر زهره فلفل
نرتبها فوق بعض بالقدر البصل وفوقه الدجاج وفوقه الخضار
وشرائح طماطم وفلفل حار حسب الرغبه
نقفل القدر ونتركه نص ساعه على نار واطيه يدوب تسمعي صوت الصفار
اذا استوى يقدم بصينيه والف عافيه
انا قدمته مع سلطة الفلاحه ورز
يارب انه يعجبكم
دعواتكم
