كيك البرتقال بالصور
بواسطة: بحب بلدي
تاريخ الوصفة: 08/05/2012
أسهل طريقة لعمل { كيك البرتقال} مع الذ صوص
يعتبر كيك البرتقال هو المفضل عندي لاني بحب اي حاجه فيها برتقال او نكهة البرتقال وغير كده مفيد للأطفال لما يحتوي عليه من فيتامين c
المقادير لعمل كيك البرتقال :
3 حبه بيض حجم كبير او 4 اذا كان الحجم صغير
1/4 1 كوب سكر
1/2 كوب زيت
كوب عصير برتقال طازج
او ممكن تحطي
1/2 كوب حليب + 1/2 كوب عصير برتقال
الاتنين حلوين
2 كوب دقيق منخول
م ك ب ب + رشة ملح
1/4 م ص ب الصودا وهو دا السر
اللي يخلي الكيك هش وناجح وعلي ضمانتي
فانيلا
م ك برش برتقال
ألطريقه لعمل كيك البرتقال :
نخلط البيض والفانيلا والسكر في خلاط العصير لغاية ما لونه يبقي فاتح
ثم نضيف عصير البرتقال
ثم الزيت ونخلط
في وعاء اخر
ننخل الدقيق مع البيكنج بودر وبيكربونات الصوديوم والملح
نصب الخليط ف وعاء ثم يضاف له خليط الدقيق ويقلب ف اتجاه واحد بمضرب السلك اليدوي
وطبعاً مع اضافة برش البرتقال في اخر مرحله
ودي صورة الخليط
ثم يصب ف صينية وسط مدهونه ومرشوشه بالدقيق
ودا شكله
ثم تخبز ف فرن مسبق التسخين علي الرف الاوسط
ودي النتيجه
ماشاء الله هشة ومنتفخه
طبعاً ممكن تقدم كدة سادة مع الشاي
وممكن نعمل لها صوص
للي يحب حسب الرغبه
ع العموم دي طريقه جديدة ومفيش حد سبق وقدمه
[ صوص التوفي بنكهة البرتقال]
المقادير:
1/2 كوب سكر
1/4 كوب ماء
1/4 كوب عصير برتقال
علبة قشطة
الطريقه:
نذوب السكر ع النار حتي يصبح لونه ذهبي
خلي بالك اوعي تحرقيه عشان مش يكون طعمه مر
ثم نضيف علبة القشطة
ثم الماء وعصير البرتقال
ونقلب ع النار
ودا شكله
ونتركه يبرد
وبعد مايبرد بيتماسك وبيتقل قوامه شويه
ويصبح مثل التوفي ولكن مش بيجمد خالص
يعني سهل الاستعمال
اتركم مع الصور
يمي يمي هشه جداً
وخفيفة جداً
ولذيذة
مع الصوص
م الداخل
هشه جداً جداً
وخفيفه جداً
