كيفية عمل الجريش السعودي من مطبخي بالصور

بواسطة: les cresis

تاريخ الوصفة: 24/02/2012

كيفية عمل الجريش السعودي من مطبخي بالصور -

مسـائكم خــير وسعاده ..

اكيد الكل يعرف الجريش وطعمه اللذيذ وارتباطه بعاداتنا وتقاليدنا وبصفته اهم الطبخات الشعبيه عندنا

والاخوات الله يعطيهم العافيه كل وحده تجتهد وتبدع وتنزل طريقه بس ولا وحده حسيتها طريقة الاجداد على قولتهم

فـ عزمت وتحمست وصورت الطريقه خطوه بخطوه واقول لكم بكل ثقه هذا هو جريش نجد بمعنى الكلمه

ومن دون نقص بكل وحده من البنات تعبت وحطت مجهودها لكن انا اقصد هذي الطريقه المعروفه عند الاجداد

وتقدرون تسئلون امهاتكم او جداتكم ربي يحفظهم

كثر الحكي ! هههههههه نبدا بسم الله ..

المقـادير ::

جريش ( 3 كاسات )

لبن ( 4 كاسات )

بصل

دجاج

زبادي

ليمونه

زبده

فلفل

6 كاسات مويه

طريقة عمل الجريش :

1- نحمس البصل في الزيت لحد مايذوب

2- نضيف الدجاج ونتركه الى ان يستوي ::

3- نضيف الزبادي ::

* اذا كنتي تحبين الكمون ممكن تضيفينه انا اكرهه فـ مافكرت نهائيا هههه

4- نضيف اللبن

نحركه شوي ..ثواني يعني

5- نضيف المويه ..مغليه طبعا

نحررررك ..

ااذا حطينا المويه واللبن بشكل سريع نغسل الجريش بس عن الغبار او اي عوالق بدون نقع نهااائيا

6-نضيف الجريش عالمويه واللبن

نقصررر عالنار مره مره ونحط تحته حديده زي هذي او لو ماعندكم قصري مره مره مره مره

نتركه على النار

7- نضيف الزبده الاصابع الصغيره كويسه انا خذت الكبير وقطعته بالنصف تماما وخذت هالنصف قطعته لاصبعين

8- نغرس اصابع الزبده بوسط الجريش وحطيت اسهم عشان اتاكد انها واضحه ههههههه ونغطيه ونخليه فتره لححد ماتذوب الزبده مره مره وقبل مانغرف الخطوه الجايه

9- نضيف عصير ليمونه ونتركه كم دقيقه ونبدا نحرك بالمسواط اتمنى انكم تعرفونه عاد هذا ماصورته ههههه

والشكل النهااائي للجريش