طريقة عمل حلى جونان ينفع وقت الزنقات ووقت الروقان بالصور

بواسطة: ورد بنفسجي وعنابي

تاريخ الوصفة: 14/02/2012

طريقة عمل حلى جونان ينفع وقت الزنقات ووقت الروقان بالصور | موقع موسوعة الطبخ

http://up.hawaaworld.com/up/sites/up.hawaaworld.com/files/links/9a4f4b3d250a74286345408e4deaac5d.jpeg

المقادير

علبة قشطه التاج
علبة كريم كراميل
نص علبه حليب نستله
10 حبات كيري
ملعقه صغيره نسكافيه
ملعقه صغيره نوتيلا
ملعقه صغيره فول سوداني <ممكن تستغني عنه موضروري بس يعطي طعم حلو
انا يعجبني<وش دخلنا فيك
كرتون كيك اليمامه بالشوكلاته
هيرشي شوكلا وهيرشي كراميل و2 جالكسي

الطريقه
تجيبي كاسات او حافظات الي متوفر عندك وتقطعين الكيك قطع متوسطه وهاذي الطبقه الاولى
طبعا تخلطين جميع المقادير بالخلاط ماعاد الهيرشي والجالكسي خليهم على جنب للتزيين

وبعدين تصبين طبقه متوسطه من الخليط فوق الكيك وبعدها تجيبين الجالكسي وتقطعينه بيدك قطع صغيره وترمينه عالخلطه وثم تحطين كيك وثم الخلطه وعالوجه رشي عليه هيرشي شوكلا وكراميل على شكل خطوط عشوائيه وثم كسري الجالكسي قطع وارميها على الوجه وبس وحطيه بالثلاجه يبردله شوي وبعدين تذوقي الحلا واستمتعي بالطعم وانسي النكد والطفش وانسجمي مع الحلا وعيشي جوووك وانبسطي وبيكون الحلا الذ واطعم اذا شربتي معه قهوه او شي باااارد انتي ومزاجك

انا وقتها مزاجي كان ودي بشي بااااارد ومن الصور تعرفون وش شربت مع الحلا شي جونااااان
جربو هالحلا والله بتدمنونه سهل ويرووووق عالاخررررر

اليكم الصوووووور

http://up.hawaaworld.com/up/sites/up.hawaaworld.com/files/links/2ddbbe46038fe4bff1758e06e4e582bd.jpeg

http://up.hawaaworld.com/up/sites/up.hawaaworld.com/files/links/535b134e38522eab4af0dd87be1b32d5.jpeg

http://up.hawaaworld.com/up/sites/up.hawaaworld.com/files/links/a09e03e9ada1e075dc8efbf7e00e11d8.jpeg

http://up.hawaaworld.com/up/sites/up.hawaaworld.com/files/links/d4a7c1897869dd664bf48e30f4bcee2d.jpeg

وكل من تقرا موضوعي وتستفيد منه تدعيلي انو الله يسهل ولادتي ويرزقني بالولد الصالح عاجل غير اجل