طريقة عمل الجمبري وأرز الصيادية من مطبخي بالصور
بواسطة: بحب بلدي
تاريخ الوصفة: 07/02/2012
طريقة عمل الجمبري وأرز الصيادية من مطبخي بالصور
المقادير لعمل الجمبري :
جمبري حسب عدد افراد الاسرة
بصل+ ثوم
فلفل اخضر
2 حبة جزر
3 حبة طماطم
ليمون
ملح+ فلفل اسود+ كمون
الطريقة لعمل الجمبري :
نغسل الجمبري كويس جدا ونظفة من كيس الرمل
ثم يغسل بالدقيق والليمون ونضعه ف مصفاة
وهذا شكله
ثم نشوح البصل في شوية زيت
ثم نضيف الجزر والفلفل الاخضر
ثم الطماطم
ثم نضيف البهارات والملح ونتركها تتسبك شوية
ثم نضيف الجمبري ونعصر الليمون وحوالي ربع كوب ماء مش نحط كتير عشان الجمبري بيطلع ماؤه
ثم نتركه ع النار حتي يتم الاستواء
وفي هذة الاثناء نجهز لعمل أرز الصيادية
نقطع بصلة كبيرة ونحمرها ف الزيت لغاية مالونها يحمر ويبقي غامق
وده شكله
ثم نضيف الماء لكل كوب رز مصري كوب ماء وممكن يزيد شوية علي حسب نوع الرز
اما لو رز حبة طويلة( بسمتي) نزود الماية شوية
المهم بعد ما نضيف الماء نضيف كمان الملح والكمون وشوية كركم وقليل من الفلفل الاسود ولو حابة تحطي مكعب ماجي مفيش مانع ونتركه حتي يغلي
ثم نضيف الرز المغسول ونتركه ع نار عالية حتي ينشف من الماء
ثم نهدي النار خالص حتي ينضج
ودا شكله
ثم يقدم مع الجمبري او اي نوع سمك اخر
نسيت يابنات اقولكوا ان الجمبري فية كسبرة خضراء مفرومة بتدية طعم حلو جدا
واتمني الموضوع يعجبكوا لانه سهل وخفيف وتغيير عن اللحوم
وارجوا لكل من تدخل موضوعي ان تدعوا لمصر
لانها تمر الان بفترة عصيبة. ومؤلمه
ودعواتكوا لكل شهيد
