طريقة عمل مكرونة البيتزا على طريقتي من مطبخي بالصور
بواسطة: مصدر الجود
تاريخ الوصفة: 07/02/2012
هي اكله في الاصل بدون مااسويها بيتزا,, لكن انا اعتمدتها في طبق مكرونة البيتزا.
واااو جنان..
نجي للمقادير
مكرونه مسلوقه اي شكل تفضليه
بصل ,, جزر ,, ملفوف ,, فلفل حار او بارد ,, بهارات ,, فلفل اسود,, ملح
نحمس البصل شوية زيت وبعدين نجيب باقي الخضار والبهارات عليها وشوية ملح.
نقلب من وقت للثاني لما نحسها ذبلت ,, نضيف عليها المكرونه المسلوقه,
ونقلب لما تختلط ببعض,,
نحط بالخلاط كأس حليب سائل و علبة قشطة
ونضيفها على المكرونه ونحركها لما نحس الحليب بدأ يغلي..
نكون مجهزين صلصة البيتزا ,, والجبنه الموزريلا والزيتون ,
نحط المكرونه في الصينيه وتمسحي بصلصة البيتزا على الوجه ونرش الجبنه
والزيتون..
ندخلها الفرن من فوق فقط.
وبالعافيه على قلوبكم..
اذا حبيتيها بدون فكرة البيتزا..
فقط ضيفي على الخضار دجاج مسلوق مسبقاً ومقطع صغير.
وتقدم بعد اضافة الحليب والقشطه وتحريكه على النار , ماتحتاج للفرن.
ان شاء الله تعجبكم
