طريقة عمل دجاج مشوي بالسفن اب غريب ولذيذ بالصور
بواسطة: الطامحه
تاريخ الوصفة: 02/02/2012
how to make a Grilled Chicken Seven Up | arabic cooking encyclopedia
هذا الله يسلمكن دجاج شفته من زمان مسوينه شباب طالعين البر على النار وحطيته في راسي أسويه والحمد لله سويته اليوم بس في الفرن برد مرره ماقدرت أشب نار مع تغييرات بسيطه وطلع جنان و رويان مهوب نفس الدجاج العادي محتفظ بطعمه كأنه حق المطاعم وأن شاء الله بعتمده بسويه دايم
يلا نجي للطريقه
نأخذ بصله صغيره +طماطه متوسطه +علبه زبادي +ثلاث ملاعق خل +عصير ليمونه وحده + نصف فلفله روميه + ملح + فنجان قهوه سفن + صويا معتدله ملعقه (ماهو ضروري ) + بهارات مشكله + فلفل أسود + ملعقه كبيره معجون طماطم+ 2 ثومه طازجه + شويه كركم نخلطها كلها في الخلاط ثم نكبها على دجاجه ذايبه ومغسوله وخليها على الأقل أربع ساعات ودخلي التبيله جواء ذوقي التبيله لازم يجي الملح شوي طالع
نقطع بصله أرباع وثومه وكزبره أو بقدونس بدون فرم
نحشى جوى الدجاجه بالبصل والثوم والبقدونس نحشيبها الفتحه من فوق عند الرقبه
نجهز صينيه دائريه ونلبسها قصدير ونحط في الوسط العلبه الباقيه من السفن اللي أخذنا من فنجان للتتبيله
ناخذ الدجاجه ونحطها عل السفن والرأس فوق نفس الصوره
ثم نصب التتبيله المتبقيه في الصينيه
ثم نكب نصف كوب ماء على التتبيله
نأخذ قدر مقاس الصينيه ونغطيبه كذا ثم ندخه الفرن أنتبهو لاتطيح الدجاجه شيلوها بهدؤ على نار عاليه من فوق وتحت
تاخذ في الفرن ساعه أنا دجاجتي 900 اذا أكبر خلوها ساعه وربع ثم خرجزها بهدوء ثم أرفعو القدر
شوفوكيف أطلعت محمره تهبل
شيلوها من علبه السفن وشيلو البقدونس اللي فوق في الرقبه وقدموها مع رز أو خبز اللي تبغون
