طريقة عمل الكبه بطريقتي بالصور

طريقة عمل الكبه بطريقتي بالصور | موقع موسوعة الطبخ

how to cook Kippah | arabic cooking encyclopedia
كثير من الاخوات يسوون الكبه وماتضبط معاهم
بس اقول لك لو اتبعتي طريقتي ومقاديري ان شاءالله باذن الله راح تضبط هذي طريقتي المعتمده من سنواااااااااااااات
شوفي ياطويلة العمر
المطلوب منك تجيبين ميزان المطبخ انا بصراحه في صنع الكبه ما اقدر استغني عني
بدونه مستحيل
اوزني في ميزان المطبخ نص كليو برغل ناعم
اذا راح تحتاجين ربع كيلو لحم مفروم
اذا تبين كليو برغل ناعم
يعني تجيبين نص كليو لحم مفروم وهكذا
يعني اللحمه تكون نصف البرغل
والبرغل يكون نااااعم____ طيب انتهينا من الوزن قبل كل شي تكوني حاطه فنجان شاي مويه بالفريزر علشان يكون جدا بارد
بعدين تطحنين اللحمه بالفرامه حتى تصير جدا ناعمه
البرغل تحطين عليه مويه حتى توصل لمستواه وهو راح يشرب المويه كلها وافضل المويه تكون بارده يعني مو حاره او دافيه فهمتي
طيب الحين اللحمه طحناها والبرغل نقعناه وشرب مويته
نطحن حبه بصل صغيره نطحنها ناعم
ونرجع نحط اللحمه مع البصل ونحط المويه البارده او عادي بدل المويه مكعبات ثلج تقريبا 6 حبات
كلها بالخلاط
بعدين تحطين اللحمه على البرغل تاكدي ان البرغل شرب المويه كلها لااااااااااازم تشوفين شرب المويه كلها وصار ناشف ولالا
وتحطين فلفل وملح وبراس ملعقة الشاي قرفه وكمون وتعجنين
نجي فرامة اللحم
تففرمينها بفرامة اللحم على مرتين واخر شي تحطين بصله بالفرامه علشان تتأكدين ان كل العجينه طلعت
وتعجنين بيدك وبكذا تكون عجينة الكبه جاهزه

نجي للحشوه
تسلقي اللحمه المفرومه وبعدين تغسلينها وتفتتينها حتى مايبقى كتل
بعدين تكشني ببصل حتى يذبل بعدين تحطي عليه اللحمه وتحطي البهارات عباره عن كمون ,فلفل , قرفه مطحونه ,دقه ,كلها مجرد رشه او ملعقه صغيره
وملح حسب الرغبه وسماق وصنوبر وحركي شوي اصلا اللحمه مستويه بس علشان الصنوبر و البهارات تختلط معاها
وبعدين قفلي عليها النار وحطي عليها شوي شبث وبقدونس وكزبره وحركي وفي الاخير حطي ملعقه دبس رمان
وحركي وبكذا نكون انتهينا من الحشوه

حاطه ملعقتين انا ووجهي احسب امي بتساعدني قالت ما اعرف بس جالسه تكور لي يعطيها العافيه

طيب الحين جا وقت التكبيب
اول شي جهزي العده
صحن الكبه وصحن الحشوه وصحن فيه مويه وثلج علشان تعرفين تحفرينها باصباعك بسهوله وصحن كبير ترصين فيه الكبه

اكببها

انتهيت من تكبيبها وحشوها وكل شي

وهنا بعد القلي

ملاحظه اذا بتسوينها في نفس الوقت حطيها بالفريز ربع ساعه او ثلث ساعه وبعدين طلعيها واقليها في زيت ساخن مو مررره ساخن انتبهي
ويكون غزير ولالالالالالالالالالالالا تقلبينها حتى تتحمر انتبهي
واذا كنتي مفرزنتها
طلعيها قبل القلي بنصف ساعه او ثلث
وتمعتي بأحلى طعم كبه