طريقة عمل الحلى الغامض جديد سهل لذيذ وغير مكلف بالصور
بواسطة: منديلة
تاريخ الوصفة: 13/01/2012
طريقة عمل الحلى الغامض جديد سهل لذيذ وغير مكلف بالصور | موقع موسوعة الطبخ
قررت أنزل لكن هالحلى اللذيذ والسهل وسميته الحلى الغامض لأنه لما يذوقونه الناس مستحيل يخمنون مقاديره وصررراحة على سهولته لذذذذذذذذذذذذذذيذ وخفيف وباي وقت ممكن تسوينه خصوصا اذا تبغين شي سهل ووسريع ومميز والأهم المقادير قليلة وغير مكلفة ماراح اطول عليكن
هذي صورة المقادير
هذي صورة المقادير بس
10 حبات بسكوت اولكر
اصبع زبدة
علبة حليب نستله
9حبات جبن كيري
الطريقة
أول شي نحضر صينيه بايركس الحجم الوسط ونكسر البسكوت بشكل عشوائي زي الصورة كسر متوسطة
بعدين نجيب اصبع الزبدة ونقطعه على البسكوت ونوزعه زي الصورة
بعدين ندخله بالفرن من تحت لين تذوب الزبدة وتختفي وانتبهوا لا تنسنه بس لين تذوب الزبدة في هالاثناء نطحن النستله والكيري بالخلاط ونصبه على البسكوت بعد مانطلعه من الفرن
ونرجعه للفرن على الرف الوسطي ونشغل من فوق لين تتماسك الخلطة ويحمر الوجه مثل الصورة
بعد مانطلعه من الفرن ندخله الثلاجة يبرد مايقل عن 3ساعات واستمتعي بأحلى وألذ وأسرع حلى وقولوا منديلة ماقالت
وهنا بعد ماقطعته
وكنت عند أهلي وسويت مع الحلى تاوة قصيمية وهذي الصور
والتاوة مقاديره بدون قياس حسب الكمية
طحين بر وخميرة وسكر وملح وحبة البركة وماء للعجن
وبس أتمنى انه اعجبكن واللي يعجبها تدعيلي
