طريقة عمل القهوة الحلوه .. القهوه الحجازيه .. قهوة اللوز بالصور

طريقة عمل القهوة الحلوه .. القهوه الحجازيه .. قهوة اللوز بالصور

How we work coffee Arabia .. Sweet coffee .. Hijazi coffee .. Coffee Almond pictures
شيء معروفين فيه اهل الحجاز المكاويه بالتحديد ..

القهوة الحلوه ـ او القهوه الحجازيه ـ او قهوة اللوز .. >> كثيره الاسماء بس الطعم وااحد ..

معروفه عند اهل الحجاز يسوونها في المناسبات مثل الولاده ولا النجاح ولا دخول السنه الجديده او الصيفيه وحماس الاجازه وكدا يعني .. لان يبغالها فضاوه وبال طويل ..

راح انزل الطريقه والصور والمقادير ..

المقادير علبه حليب وسط مو الصغيره مره اللي اكبر شوي من الصغيره ..
ثلاث ارباعها + ربع كيلو دقيق الرز او اقل من الربع + 6 او 7 ملاعق نشا + سكر حسب الرغبه + هيل + مويه ورد + لوز ..



نسق اللوز هنا



نقشر اللوز ونجرش مو نطحنه ويروح مع الطبخ يختفي ..

نجهز قدر كبير ونحط فيه مويه مغليييه اكثر من نصف القدر ونولع عليه النار ونتركه ..



في قدر ثاني نحط الحليب مثل ما قلت ثلاث ارباع العلبببه ونزيد كمان ونحطله شويه مووويه اللي بس يحرك الحليب بيكون ثقيل بس عااادي ونروح للقدر ونحط مصفى ونضيف الحليب على المويه ونراعي اننا نصفيييه عشان لا يصير فيه كتل ..



وبنفس الطريقه نحط دقيق الرز وشووي مويه اللي يحركه ونضيفه للحليب بالمصفى ولازم تحريك مستمر لازم احد يساعدك عشان لا يكتتتل ..



وبعدها واخر شيء النشا شوي مويه ونحركه ونضيفه للحليب والدقيق بالقدر .. وبس نجلس نحرك ..
وأهم شيء واهم اهم اهم شيء لا تحركين قاعده القدر بالملعقه عشان الحليب مع كثر الطبخ بينحرق بقااعده القدر هو والنشا ولا حركتيه بيصير طعم الحرق لان الحليب حساس ..

ونضيف بعد كذا السكر حطي وذووقي لييييما يركز عندك ويصير تمام التمام ..



وحطي اللوز وحركيييه اهممم شيء التحريك المستمر ..



ونحط الهيل حبيب قلبي .. ونتركه يطبخ ويطبخ لمدة ساعه الا ربع او انت ذوقي لين تحسين طعم الدقيق والنشا استوى .. واهم نقطه النار تكون هااااديه لا ترفعينها ابد ..



وقبل لا تطفين بخمس دقايق اضيفي حبيبي الثاني مويه الوررد وحركي شوي واطفي النااار ..






وهنا الشكل النهاائي للقهوه .. مره طعمه ..


اتمنننننى تكون الطريقه واااضحه والصور جيدة ...

دمتم بخييير ..