محشي الملفوف من مطبخي بالصور
بواسطة: رمش الخليج
تاريخ الوصفة: 31/07/2011
محشي الملفوف من مطبخي بالصور
مين فينا مايحب الملفوف(الكرنب) عذاااب
اليوم قلت لازم انزل لكم الطريقه عشان تذوقون احلى ملفوف وتدعولي..
نبدأ بسم الله
الطريقه: نقطع بصل+فص ثوم مبشور ونشوحها في شوية زيت زيتون بعدين نضيف لحم اودجاج مفروم حسب الرغبه
ونحركها بعدين نضيف الطماطم ونخليه يتسبك شوي ونحط كوب ارز مغسول اي نوع انا المهيدب
ونضيف البهارات الموجود عندك ومرقة ماجي
واخيرا نضيف البقدونس والكزبره المفرومه ونطفي عليه.
ناخذ الكرنب ونفككه عن بعض ورقه ورقه ونغسلها
وبعدين نجيب قدر كبير في مويه حاره ونبدأ نسلق الورق
تقريبا من 3إلى 4 دقايق على دفعات بكذا خلصنا
يجي وقت الحشو نفرد الورقه ونقصها زين ونحشي
وهكذا>>>احلفي
حتى ننتهي وبعدين نضيف كوبين ماء حار مذوب بها مرقة ماجي ونسقيه الملفوف حاولي تثبتين الملفوف
باي شي صحن مثلا قبل ماتحطين المرق عليه
ونضيف زيت زيتون وليمون حسب الرغبه
ونتركه حتى يستوي تقريبا ساعه وربع
وبالعاااافيه
وبس ..أتمنى عجبكم الطبق
