طريقة صينية الدجاج بالخضار تهبل وتجنن وتهوس بالصور
بواسطة: ام فروسي
تاريخ الوصفة: 31/07/2011
السلام عليـــــــــــكم
اليوم جبتلكم غداي
طبعآ صينية دجاج بالخضار لكن من العيار الثقيــــــــل جدآ
وانا لي فتره صايره ماعرف اطبخ مدري وشفيني اخر شي اكتشفته انو من الوحام يكرهك بالطبخ
ماعلينا ,,
نجي للمقادير,,
للصينيه,,,بصل جوانح,طماط.جزر حلقات.فلفل رومي. ثوم مهروس. وبطاطس مقطع مكعبات او الفرنش فرايز اسرع.
بهاراتك الي متعوده عليها وانا استخدم بهارات الكبسه السعوديه هيل مطحون اعواد قرفه كركم مسمار ورق غار كزبره بودره وكمون بودره فلفل اسود ليمون اسود مطحون وكاري,كاتشب صلصله مايونيز وصوص صويا وفلفل حار ملح ماجي
نجي الحين للطريقه بعد ماتقطعين الخضار صفيها بالصينيه بعدين قطعي دجاج بالطريقه الي تناسبك وسوي فتحات بالجلد او بدجاجه واعصري ليمونه عليها بعدين اضيفي البهارات كلها وافركيها بالدجاج بعدها اضيفي الكاتشب والصلصله والمايونيز والصويا والفلفل الحار ومويه واذا بغيتي المرقه تصير خاثره صبي مويه كثير وحطي ملعقه سمن او زبده وغلفيها بالقصدير بتكونين انتي قبل مولعه على الفرن وخليها ساعه ونص بعد الساعه شيلي القصدير وخليها تتحمر من فوق
اما الرز فاسويها بطريقتك المعتاده
بالنسبه لي انا اسويها كذا
اغسل الرز واخليه ينقع بعدين بالقدر اضيف عود قرفه ماجي مسمار وهيل مطحون وملح وزيت لين يفوح المويه اكب الرز واسلقه نص سلقه بعدين اشخله وارجعه القدر واحط عليه زبده واحرك الرز بهدوء واخليه على نار هاديه نص ساعه وبس
والحشوه بصل وليمون بودره فقط
وبلعافيه وهذي الصوره ولاتدققون بالجريده قضى السماط عندي وخفت على مفرش الطاوله خخخ
على فكره بنات ترى الجريده اجنبيه كوريه يعني مافيها ذكر الله لاتخافون الي بتجي بتقولي
ونصيحه بنات طعم فضيييييييييييييييييييييييييييي ييييييع والي يعجبها تقيمني وتدعيلي ربي يهون علي ويسر كل عسير ونرجع انا وزوجي من الغربه عن قريب العاجل يارب
