حشوتين مميزيتين ينفعون للخبز والسندويشات..عشى سريع ولذيذ
بواسطة: **العنـــود**
تاريخ الوصفة: 08/01/2011
حشوتين مميزيتين ينفعون للخبز والسندويشات..عشى سريع ولذيذ
بسم الله الرحمن الرحيم
حياكم على حشوات فعلا رووووعه ولذيذه
اول حشوة ..لجم دجاج مفروم بالليمون والفلفل الحار ..جنااان
ثاني حشوة ..السبانخ بالموزريلا...عذاااب
بسم الله نبدي
حمسي بصل وثوم
لين تحمر ضيفي الدجاج المفروم
قلي اللحم شوي وعقب بهري...ملح..بابريكا...فلفل اسود..كمون..اوريجانو..كزبرة جافه..
عصير ليمونه
خلطي الدجاج وخليه ربع ساعه ينضج
عقب ضيفي بقدونس طازج
خلطي مع بعض وقطعي حلقات فلفل حار وضيفيه وخلي ع النار بعد 5 دقايق عقب طفي
خلاص جهزت الاولى
الحشوة الثانيه
بسم الله نبدي
حمسي بصل وثوم لين يتحمر عقب حطي السبانخ انا استخدمت المثلج ذويته شوي في المكرويف
خليه يمتزج بالبصل عقب بهري...ملح ...فلفل اسود...فلفل احمر مجروش..بابريكا...رشة بزار..
ملعقة معجون طماط...وخلطيهم وخلي يتسبك ربع ساعه ع نار واطيه
وجهزو الحشوتين ...جهزي خبزك اي نوع لبناني او صمون...او روول..
انا استخدمت الخبز التركي من صنع يدي على طريقة الاخت نزف المداد
طبقته مئات المرات...تسلم يدها
وهاذهو على الصاج وخلص جهز
حشوتنا الاولى روووووعه
مممممم مع عصرة ليمون اخيرة جناااااااااااااااااااااااان
الحشوة الثانيه السبانخ ...انا وولدي وزوجي نحبها جدا ماعدا بنتي
حطيت موزريلا ورجعتها على الصاج شوي على الصوبين لين يذوب الموزريلا
عواااافي علينا وعلى اللي بتطبقها....محبتكم العنووود
حشوتين مميزيتين ينفعون للخبز والسندويشات..عشى سريع ولذيذ
