سبرينغ رول على طريقتي مع التفريز بالصور
بواسطة: عيون القلب
تاريخ الوصفة: 01/08/2010
بدات تفريزاتي لشهر رمضان شهر الخير اعاده الله علينا وعليكم بالخير واليمن والبركات
سويت جيب تاجر نصاب وكبه خراطه وكل لكذابين حطيتهم بالفريزر
وجيت ابسوي سبرينغ رول وما لقيت عجينه صادقه تحل مشكلتي بحكم غربتي
يمكن موجوده بس انا ماشفت من قبل <<<<<<<<<<,,قصدك ما دورتي
فاضطريت اجعل منها كاذبه كاخواتها
<<<<<<<<<وش نسوي بعد
امر الله
الموهيييم طاحت عيني على عجينة البقلاوه
اللي هو الجلاش >>>>>>>>>>>.دارين يختي انها جلاش
وفكرت ثم قررت
والصور تحكي
جيبو مناديل لا تعبون الكيبورد سعابيل ههههههههه
بسم الله ماشاءالله
اول شي حمست بصله كبيره عالنار
بنات ترى بنتي صاحت رحت اشوفها تحمر زياده شوي انتو لا تروحون مكان خلكم جنبه
فرمت راس شطه وثلاث فصوص ثوم وقلبته معاهم
قبل ما يحمرو كثير ضفت الجزر المبشور
ثم اضفت الدجاج المنتف
صراحه انا استعملت صدور الديك الرومي اطرى واطعم سلقتها ونتفتها
حطيت معاها بهارات وصوص صويا <<<<<<<,خليكي كريمه بصوص الصويا
والكاااري اهم شي وقلبتهم لين فاحت ريحتهم تمااام
خليت الحشوه تبرد وبعدين ضفت لها ملعقتين كبار مليانات مايونيز واللي تحب تحط جبن وممكن قشطه كمان
انا اكتفيت بالمايونيز
وجهزت عدة الكذب خخخ
رف الفريزر حق الثلج فرشته بورق زبده عشان اصف عليه النصابات خخ اقصد السبرينغات
بالمناسبه ايش جمع سبرينغ روله <<<<<<<بررراااااااااا
وقطعت عجينة البقلاوه بالطول على ثلاثه صارت تشبه عجين السنبوسه بس على اعرض شوي واهم شي ما ننسى نغطيها بفوطه رطبه عشان ما تنشف
انا ما نشفت معي ولا اتعبتني الحمدلله
والحشوه >>>>>>>>>>>.طبعا
وملعقتين نشا ذوبتهم بشوي ماء عشان تتسكر وتقرمش استعملت فرشه <<<,الفكره من احدى العضوات لا اذكر اسمها جزاها الله خير
ونبدا نلف
وهاهم يبتسمون لكم في صوره جماعيه نادره
وهنا قليت كم حبه بناء على طلب عيالي فديت طلباتهم انا
مقرمشه وحلوه وما تشرب زيت
وهذا المصير النهائي لكل من تسول له نفسه بالكذب خخخخخخخ
جاري الانتظار يا رمضان
الله يبلغنا اياك بصحه وسلامه
