ايدام هندي بالدجاج تاكلي اصابعك وراه بالصور

وصفة اسهل طريقة لعمل ايدام هندي بالدجاج سهل وسريع في البيت بالصور


جايبتلكم ايدام هندي انما ايه .. مش حتئدر تسكر بؤك


الموهم عن جد الايدام هذا على قد ما آكل منه والله ماشبع ماشالله
وانتو طبعا عارفين الاكل الهندي له طابع مميز ومذاق فريد من نوعه << اقول لايكثر بس

طبعا هذا الايدام سويته
والحين جيت انزله الا قامت سعابيلي تقوطر تهئ تهئ

الموهيم مالكم بالطويله

نبدأ بسم الله

المقادير لعمل الايدام الهندي بالدجاج



صحن دجاج فيليه منزوع العظم والجلد تقطعينه مكعبات صغيره ( انا استخدمت صدور الدجاج فقط )

ملعقتين نشا تذوبيها في ثلاثه ارباع كاسه مويا

بصلتين تقطعيها صغار

ثلاثه فصوص ثوم مفرومه ناعمه

ملعقه مليانه زنجبيل مبشور ( سر معظم النكهات الهنديه اذا ماكان كلها )

حبتين طماطم مقطعه صغار

اثنين فلفل حار يقطع صغار ( شطه قرون بالحجازي << هع )

ملعقه بهارات مشكله (كل البهارات اللي عندك واللي تحبيها وتفضليها في الاكل بس لاتنسي الاهم وفي المقدمه الكاري الهندي وانا كمان استخدمت بهارات البرياني تطلع نكهه واااو ماشالله انصحكم تجربوها وتخلوها من اهم البهارات عندكم في المطبخ )

ملعقه معجون طماطم ( صلصه )

ثلاثه ملاعق كاتشب

ملعقتين صويا صوص

الطريـــــــــــــــــــــــقه لعمل الايدام الهندي بالدجاج

تحطي الدجاج لحاله مع شوية زيت ع النار مع التقليب المستمر لين يستوي وممكن تسلقيه قبل عشان يستوي اسرع
رغم انه انا ما اسلقه لانه اساسا مايطول غير ان نكهته اطعم بدون سلق

وبعدين تصبي عليه النشا اللي ذوبتيه مع المويا



ووطي النار ع الاخير وخليه بس دقيقه او دقيقتين وطفي النار

في اثناء وجود الدجاج ع النار انتي تكوني قاعده تسوي الصوص حقته ( باقي المقادير )
تجيبي البصل وتحطيه مع الزيت لين يصير لونه ذهبي وبعدين تحطي الثوم عليه لين يصير لونه كمان ذهبي
وبعدها تحطي باقي المقادير كلها ( لطماطم _ الزنجبيل _ الفلفل _ البهارات _ معجون الطماطم _ الكاتشب _ الصويا )
وتقلبيها مع بعض لين تذوب الطماطم وتتسبك تمام

بعدين تضيفيها ع الدجاج وتخلطيها مع بعض

وبعدها تحطيها في الصحن وتزينيها بالكزبره او النعناع او اي شي ولو ماتبي تزينيها عادي لانك يمكن مع ريحته ماحتقدري تقاومي لين تزيني ههههههههههههه

وتقدميها الايدام الهندي بالدجاج مع الرز او الشباتي الهندي
بس طبعا بالنسبه لي مافي زي الرز
وكمان سويت معها عصير ليمون بالنعناع
وربي الطعم جونان بجد لايفوتكم والله حتدعووولي وراح تدمنو عليه
صدقوني

يممممممممم يمييييي احس ريحته واصلتني من الصورة خخخخخخخخخ



وبكذا خلصنا الـ ( جَلي جَلي )
شفتووووووو انه سهل مرة

وبالهنـــــــــــــــــــا والعافيه ع قلوبكم يارب
ومطرح مايسري يمري