كبسة رز بنيه من مطبخي بالصور
بواسطة: ريناس
تاريخ الوصفة: 30/07/2010
اول شي السلام عليكم ورحمه الله وبركاته
اليوم جايبه لكم طريقه كبسه بتهوووووس
المقادير:
زيت
بصل مقطع جوانح حسب كميه الرز اذا كاستين رز سوي راسين بصل حجم كبير
حبه دجاجه
بصله صغيره مقطعه
طماطم حبه كبيره
كاستين رز ابو بنت
جزرتين مبشوره
اربعه فصوص ثوم مدقوقه
زنجبيل اخضر مبشور
صلصه طماطم ملعقه
تمر هندي(حمر)
هاذي صورته اللي استخدمته
بهارات صحيحه (قرفه +عويدي+هيل +فلفل اسود)
وبهارتك الخاصه المخلوطه
الطريقه :
1 _ اول شي تاخذين البصل المقطع جوانح وتقلينه في زيت لين مايروح لوونه بني غامق مايل للأسود تحطينه بصحن وتاخذين التمر الهندي تذوبينه في شوي مويا حاره يعني يجي قوامه ثقيل شوي تحطينه على البصل المقلي + ملعقه صلصل وتحطين عليها شوي مويا حاره وتغطينه وتحطينه على جنب
2 _ تاخذين الرز تغسلينه وتنقعينه في مويا حاره
3 _ تقلين البصل المقطع و وتحطين بهارتك الصحيحه مع البصل عشان تطلع ريحه البهارات تحطين الدجاجه بعد تنظيها ونقعها في خل وخليها بجلدها بعدين حطي الجزر والطماطم والثوم والزنجبيل والبهارات المطحونه وتملحينه وتغطينه الى مايستوي الدجاج
4 _ تطلعين الدجاجه بعد ما استوت وتحطيها بافرن تتحمر من فوق وطبعا اعصري عليها ليمون + زيت وفلفل اسود
5 _ نجي هنا لمرقه الدجااج تحطين عليهاالبصل المقلي والخلطه الصلصل والتمر الهندي وتخلينها تطبخ مع بعض حووول ربع ساعه الى 10 دقايق لين تشوفين المرق راح لونه اسود الى بني وطبعا لاتنسين تزيدين عليه مويا لو كانت المرقه قليله يعني اللي يكفي الرز
6 _ بعدين تصفين المرق وتجبين الرز وتحطين في القدر وخوذي المرقه فوق الرز
وعلى مايستوي الرز
سوي سلطتك المفضله دقووس ولا طحينه ولا سلطه الزبادي
مع جرجير وليمون
وصحن حبحب
وهاذي صوره الكبسه
وهنا الرز من قريب
دعواتكم لي بأن الله يحقق اللي في بالي
