مندي دجاج بقدر المندي من مطبخي بالصور
بواسطة: كالنخلة شامخة
تاريخ الوصفة: 24/07/2010
السلام عليكم ورحمة الله وبركاته
كيف حالكم وأخباركم مع الإستعداد لرمضان
أسأل الله العلي العظيم أن يبارك لنا في شعبان
وأن يبلغنا وإياكم ومن نحب رمضان ونحن بأحسن حال ..
ندخل بموضوعنا
اليوم كان عشانا مندي دجاج بقدر المندي
ويتكون من القدر نفسه وطبقه ثانيه مثقبه حتى ينزل منها مرق الدجاج الزائد والتتبيله وتطعم بالرز
مثل فكرة المندي بالضبط ويستوي الدجاج بالبخار وغطاء محكم الإغلاق
وهذي صورته
المقادير والطريقة
دجاجة الحجم الصغير حتى تستوي أسرع ولوكان كبير قطعيه قطع صغيره ينظف زين وينقع بخل
بعدين يتبل بلبن وثوم وبهارات وطماطه مقشره وصلصه وبهارات وفلفل وملح وهيل وزنجبيل وشوي زيت زيتون
طبعاً التتبيله تخلط بالخلاط ولك الخيار في طريقة التتبيل ويفضل تنغزين الدجاج بالسكين حتى تدخل نكهة التتبيله
وينقع لمدة ساعة ع الأقل
وهذي صورته
رز المقدار اللي متعودين عليه مغسول فقط بدون نقع لأنه بيستوي أكثر من اللازم لو نقعنيه
نحط القدر ع النار ونحط الزيت أعواد قرفه وليمون أسود وهيل ولو حبيتي قرنفل وفلفل أخضر ومكعب ماجي
نقلبها شوي ع النار بعدين نصب عليها مويه أقل من العاده لان الرز بيستوي من البخار والموية اللي تنزل من الدجاج
ونضبط الملح وبعدين نحط الطبق المثقب فوقه ونحط عليه الدجاج
(أنا كثرت المويه شوي وطلع مستوي شوي أكثر من اللازم)
ونصب عليها التتبيله كلها وسكري القدر وخليه يطبخ لمدة ساعة كامله
وهذا الدجاج بعد مرور ربع ساعة
وهذا بعد ما استوى حطيت عليه فنجان فيه فحمه وصبيت عليها زيت وسكرته شوي حتى يأخذ النكهة
وهذا شكل الرز بعد ما استوى
وهذا الشكل النهائي
وبالعافيه على قلوبكم
لاتنسوني من صالح دعواتكم ..
