حلى شيز البسبوسة .. حلى قهوة منزلي من مطبخي بالصور
بواسطة: أميرة الشوق
تاريخ الوصفة: 23/07/2010
شيز البسبوسة
طعم جدااااا رائع ولذيذ
وتغيير عن المألوف
دائما نسمع بــ شيز كيك
هذي شيز بسبوسة ^_^
طريقتها تقريبا نفس الشيز الأصلي
بس الطبقة الأولى بدل البسكويت بسبوسة
أول ما سويتهااا
عملت صينيتين بسبوسة
الصينية الأولى أنوكلت
والثانية ياربي ايش أسوي فيهاااا
خصوصا أنها ظلت في الثلاجة يومين ماحد أكلهاااا
وأذكر ان واحدة مدحت حلى بالبسبوسة عند د. كيف
طبعا ما صدقت خبر ( لأني أحب د. كيف مرررة وخصوصا أنه سعودي لا أمريكي ولا يهوودي
رحنا د . كيف وذقت الحلى وفعلا لذيذذذذذذذذذذذذ جدااااا
طالعت فيه شووووي
لقيته يشبه الشيز كيك قلت ليه ماأحاول اعمله في البيت
نجحت كان بها
مانجحت أهو اسمه حااولت ^_^
وفعلا سويته وطلع لذيذذذذ وقريب جداااا من الحلى اللي عند د . كيف
طولت عليكم أعذروووني ^_^
وهذي طريقتي فيها ...
الطبقة الأولى ::
بسبوسة تعمليها بأي طريقة معتمدة عندك
وبعد ما تبرد تفتتيهااا بالشوكة وترصيها في صينية الشيز أو صينية قزاز عادية ( أتركي شوية من الفتات لزينة الوجه )
وبشوية حليب محلى مركز تعجنيها شوية مو تكثري بس لحد ما تحسي أنها صارت عندك متماسكة ,,,
الطبقة الثانية ::
2 ظرف دريم ويب
علبة قشطة ( واحلى قشطة ممكن تستخدميها حق الحلويات قشطة أولكر ) كان فيه زيها من لونا بس ماعاد شفتها أبددددد 5 حبات جبن كيري
نص علبة حليب المركز المحلى
وفي الخلاط نخلطها زين لحدددد ما تتجانس ويثقل الخليط شوووي ,,,
نصبه على طبقة البسبوسة
وندخله الثلاجة تبرد
ونزين الوجه بفتات البسبوسة المتبقي
وتقدم قطع زي الشيز أو قطع صغار ونضعها في ورق البليسيه ..
وبالهناء والعاافية
أتمنى تعجبكم وتنال على رضاكم واستحسانكم ...
