محشي كرنب (ملفوف ) غير شكل روعه وتوفير للوقت والتعب بطريقتي بالصور
بواسطة: am_talal_sweety
تاريخ الوصفة: 22/07/2010
المهم فكرتي اليوم اختصار للوقت والتعب واللف وقدميها وانتي مبسوطه طبعا انا قد شفت محشي كرنب في صينه بس
ماعجبتني فكرته في صينيه كبيره ماله داعي
فكرت اسويه في الكب كيك افضل واشيك وكل واحد ياخذ حبه مررره صراحه ررررروعه وعاد انا ابو الشباب مايحب اسوي الاشياء الي علي قولته تضيع وقت علي الفاضي بس مرررررره انبسط وارتاح لما شافني مسويته وقال هذا الشغل الصح خخخخخخ كبيره الحبه وتوجه قدام الضيوف
والاهم انها سريعه مالكم بالطواله هههه (بعد ايش) المهم انا خطرت الفكره لي يوم كان عندي عزيمه وكنت ابسوي سبرنغ رول بس ماابغي الكرنب يخرب
الباقي وكانت عندي حشوه للمحشي جاهزه في الفريز وانا ماعندي وقت الف محشي فقلت يبنت ويش تسوين امممم والا افكر واشوف الصنيه وقلت اسوي كرنب في الكب كيك
واسويها طبعا طلعت الحشوه وسلقت الكرنب باليل وثاني يوم حشيته علي السريع وطبخته في الفرن وهذي الصور للتوضيح
الطريقه ياحلوات بالتفصيل
تسلقي الكرنب وتقطعي عروقه وتجهزيه وبعدين تكونين مسويه الحشوه
الي هي لحم مفروم ورز مصري منقوع وبصل وطماطم مقطع صغير وشبت وكزبره مفروم وبهاراتك
تكشني البصل والثوم وتحطي اللحمه وتقلبي لين تنشف مويتها وتحطي البهارات والطماطم والصلصه ومكعب ماجي والرز وبعدين الشبت والكزبره وتطفي
خلصنا بعدين ترصي الكرنب في الصينه طبعا تحاولي تغطي الجزء المقطوع مكان العروق واحشئ وبعدين
تحطي كاسين مويه حاره وتذوبي مكعب ماجي فيه وصلصه ملعقه ودبس رمان ملعقه صغيره وزيت زيتون وليمون وتحطي مقدار فنجال قهوه في كل ملفوفه لين تغمرينها
وتغطينها بالقصدير وتدخليها الفرن الين ينشف المويه تقريبا ساعه وطفي عليه ولا تقلبيه علي طول خليه شوي وبعدين قدميه وسلامتكم
