معكرونه فوتشيني بس عالطريقه الصينيه بالصور
بواسطة: أنيقة و رشيقة
تاريخ الوصفة: 20/07/2010
لمن لا تعرف كيف تضيف وصفة وترغب في نشر طبخاتها بالصور
ترسل الطبخه مع الصور مرفقة على ايميل موسوعة الطبخ
[email protected]
وسوف نقوم بكتابة اسمها على الصور ونشرها بالموسوعة
انا دايم اسوي خضار عالطريقه الصينيه وهذا من احب الاطباق على قلبي
ومن حبي للمكرونه حبيت ادمج هالطبقين مع بعض
والحين نجي للمقادير:
1 باكيت مكرونه فوتشيني
بصله متوسطه الحجم مقطعه جوانح
ثوم بودره او فصين فقط انا استخدمت البودره
4-5 حبات جزر مقطعه عيدان رفيعه
واي نوع خضار اخرى بس انا ما احب الا الجزر وحطيت خضار مجمده شوي
صلصة صويا حلوه تقريبا بيالة شاي
2 ملعقه نشاء ذره
بهارصيني حسب الرغبه
نجي للطريقه:
تسلق المكرونه في ماء وزيت وملح وشوي خل اسود
اذا استوت حطيها بمصفي عشان تنزل كل الماي وانتبهي لنقطه مهمه وهي انه ما تخلي المكرونه تستوي لحد ما تذوب عشان ما تتقطع عليكي وانتي بتقلبيها مع الخضار بعد شوي ...
تحطين في مقلاة كبيره البصل و شوي زيت لحد ما يذبل ثم ضيفي عيدان الجزر وقلبي مع البهار الصيني لحد ما يتغير شوي لون الجزر
تكونين مجهزة (خليط الصويا مع الماء مع عصير ليمونه مع النشاء) تقريبا تجي كوب طويل,, وتضيفين نص الكميه تقريبا وتخلينها لحد ما تتشربها وتضيفين المكرونه وتقبينهم سوا وتضيفين الباقي من خليط الصلصه وتخلينها تتشربها وتأخذ الطعم اللذيذ وترفعينها من النار وتأكلينها بالهنا والعافيه
