لعشاق السي فود

لعشاق السي فود رز بالسي فود

عندي اكلة جامدة جدا رز بالسي فود
اكلة لذيذة وسريعة وخصوصا للي بيحبو السي فود
المقادير:
كوب ونص رز
4 فلفلات خضر اوملونين
بصلاية كبيرة
5فصوص توم
ربع كيلو جمبري
سيبيا (سبيط)شرائح
معلقة ونص صلصة
ملح فلفل
معلقتين كبار كاري
نص معلقة كركم
الطريقة:
تفرمي البصل والتوم
وتشوحيهم بشوية زيت في حلة غويطة
اول ما يبقي لونهم دهبي تحطي الجمبري والسبيط وتقلبيهم 5 دقايق
تحطي الملح والفلفل والتوابل وتقلبي دقيقتان
بعد كدة تحطي 3كوب ماء والصلصة وتقلبي وتغطيهم وتسيبيه يغلي 10 دقايق
تحطي الرز لحد ما يستوي
يقدم مع سلطة او زيتون او مخلل

وبالهنا والشفا