ساندوتش دجاج بصلصة الصويا بالصور

بواسطة: الحياه عملية

تاريخ الوصفة: 17/07/2010

ساندوتش دجاج بصلصة الصويا بالصور

[CENTER]كيف الحال ان شاءالله انكم بخير

حبيت انزل طريقتى بسندوتشات الدجاج بصلصة الصويا طبعا انا احب ابتكر الاطباق واحيانا اخذ الطبق بس مااتقيد بنفس المقادير لازم اتفلسف شوي يعني
وسامحوني بهل موضوع ماصوررت الطريقة بس بشرحها لكم بالتفصيل وبحط الصورة النهائية لها...

--------------------------------
::المقادير::

دجاجه منزوعة الجلد والعظم مقطعه الى مكعبات
حبة بصل مقطعه جوانح يعني شرايح طولية رقيقة
فليفله ملونه (اصفر-احمر-اخضر)مقطعه جوانح <<<طبعا مولازم تكون ملونه الى موجود عندج
علبة فطر مقطع شرائح
8 ورقات من الخس مقطعه شرائح طولية <<<<يمكن زيادة الكمية
شرائح من الجبن
خبز

::البهارات::
حبق مجفف ومطحون مقدار نص ملعقة الشاي الصغيرة
كمون ملعقة صغيرة برضو
ومقدار بياله شاي صلصة صويا

--------------------------------

::الطريقة::

1- نحط الدجاج بعد غسلة بقدر ونقلبة على نار متوسطة بدون اضافى اى شئ له لازيت ولا شئ لين مايتغير لونه للابيض نضيف له الحبق المطحون ونقلبة وبعدها نسكر النار عنه وونحطه بمشخاله عشان لوفيه شوية ماء من الدجاج نفسة.

2- ارجع اجيب قدر ثاني او اغسل الى استخدمته لان يكون فية قطع ورغوة الدجاج وانا ماحبه <<دقيقة
المهم احط فية الدجاج بعد ماصفية وحط شوية زيت زيتون علية وقلبة ورشة بالكمون وبعدها احط البصل وقريب مااحس ان البصل بيذبل احط الفليفلة والفطر وبعدها احط الخس وصب علية صلصة الصويا وخلية على نار هادئة لين ماحس ان الخضار ذبلت اسكر النار وحطه بصفاية عشان مابي السندوتشات ترطب من الماء الى نزل من الخضار وصلصة الصويا وهوا حار اجيب خبزة وحط عليها شريحة جبن وشويه من الحشوة الى سويتها ولفها بقصدير عشان تحفظ الحرارة فيها وتذوب الجبنه وبس خلصنا اخليكم مع الصور النهائية ...

ــــ حطيت مع السندوتشات بطاطس مقلى وذرة صينيه ــــ

http://up.hawaaworld.com/up/sites/up.hawaaworld.com/files/links/d51359ef144036eb64728a2566277385.jpeg

http://up.hawaaworld.com/up/sites/up.hawaaworld.com/files/links/9cb7f2ba6338d93677e66fcffeca3505.jpeg

http://up.hawaaworld.com/up/sites/up.hawaaworld.com/files/links/c255fe1c4928470ea26e919d71824d12.jpeg

والى بجربها هنئ وعافية على قلبها
[/CENTER]