حلى طبقات البسكويت و مانغا .. حلا منزلي سهل بالصور

حلى طبقات البسكويت و مانغا .. حلا منزلي سهل بالصور


المقادير:
علبه حليب محلى
1قيمر (قشطة )
تقربيا 2 و نص باكيت بسكويت قهوة الصباح او أي بسكويت شاي تحبونه
شرائح مانغا (يعني مانغا طازج تقشرينها و تقطعينها شرائح رقيقه )]
حليب سائل لتغميس البسكويت

الطريقه:
نخلط في خلاط الكيك الحليب محلى و القيمر لين يصير خليط ثقيل شويه يعني شبه سائل و تدهنين شويه من خلطة الحليب المحلى في قاع البايركس و بعدين تغمسين البسكويت في الحليب السائل و بسرعه تشيلينه عشان ما يتشرب وايد و تصفين البسكويت في قاع البايركس و تحطين على البسكويت من خلطة الحليب محلى شويه يعني تمسحين بالملعقه و بعدين تصفين شرائح المانغا و تاخذين من الخليط الحليب المحلى تمسحين عليه بالملعقه و بعدين تردين تغمسين البسكويت في الحليب السائل و تحطين من الخلطة و تصفينه فوق المانغا و بعدين شويه من الخلطة حليب محلى و تكررين هالحركه لين تخلص المقادير و يصير عندج طبقات يعني بسكويت خلطة مانغا بسكويت خلطة مانغا ادري يتتخربطون وايد كلمات نفس الشي بس اهم شي يصير طبقات و بعدين تدخلين البايركس في الثلاجه و تزينينه على كيفج









لو تلاحظون ان حطيت طبقتين بسكويت لاني نسيت المانغا من كثر اللويه ألي تسمونها حوسه بس اهم شي طلع طعم لذيذ بس انتو حطو مانغا بين كل طبقه بسكويت يصير احلىاتمنى فهمتو علي و يعجبكم الحلى



ملاحظه
للراغبات بتنزيل اطباقهن ووصفاتهن في موسوعة الطبخ ولا يستطعون رفع الصور يرجى ارسال الوصفة مع الصور مرفقة على الايميل الخاص بموسوعة الطبخ

[email protected]

وسوف نقوم بكتابة اسمك على الصور وتحميلها للانترنت