موسوعة الطبخ عمل الحلويات طريقة عمل حلوى جوز البقان المعلب
![](http://www.encyclopediacooking.com/arabic/style/Default/assesst/img/in.png)
طريقة عمل حلوى جوز البقان المعلب
بواسطة: النموسه
تاريخ الوصفة: 15/06/2010
انا سبق وسويت الحلى هذا بس هالمره غيرة في اللوك حقه من باب التغيير
ايضا بدل الحشوه المعتاده الي انا اسويها حبيت اجرب حشوه من نوع ثاني وهي عباره عن حشوة جوز البقان المعلبه وكانت النتيجه رائعه
اترككم مع الصور
![http://center.jeddahbikers.com/uploads/jb12764654561.jpg](http://center.jeddahbikers.com/uploads/jb12764654561.jpg)
![http://center.jeddahbikers.com/uploads/jb12764654562.jpg](http://center.jeddahbikers.com/uploads/jb12764654562.jpg)
وهذي المقادير
نبدا نشتغل بالعجينه قبل الي هي عباره عن
اصبع زبده طريه
ربع كاس سكر ناعم
تخفق جيدا مع بعض حتى تبيض
يضاف لها بيضه وبما ان البيض الي عندي بلدي وصغير حطيت ثنتين
ونص ملعقه فانيلا سايله ورشة ملح وتخلط جيدا ثم تعجن بكوب دقيق ونص
راح تكون العجينه مكوره
افرديها في قوالب الكب كيك الصغيره
انا حطيت صلصة جوز البقان المعلبه لاني تعيجزت اسوي الحشوه واصلا ما كانت المقادير حقتها متوفره عندي وهذا الصوص راح تلقونه في السوبر ماركت مع صوص التوت والفراوله الخ
بس كانت النتيجه رائعه
عموما هذي طريقة الصوص للي مايبي يشتري
الصوص عباره عن اصبع زبده لينه
وكاس سكر بني
على النار حتى يذوبو واذا تجانس اضيفي له 4 ملاعق كبار كريمة خفق
وحركي لحد مايطبخ 5دقائق على نار هاديه بعدين اضيفي كوب ونص لوز مبشور او جوز البقان او اي نوع مكسرات عندك الي تحبيه احس ماراح تمانع
بعد ماخلصتي سكري النار وحطيتها بالكب كيك