صينية بطاطس مع لحم بالبشاميل ماينشبع منها من جد روعه
بواسطة: **العنـــود**
تاريخ الوصفة: 24/03/2010
صينية بطاطس مع لحم بالبشاميل ماينشبع منها من جد روعه
بسم الله الرحمن الرحيم شلونكم شخباركم اليوم سويت صينيه بطاطس مهروس مع اللحم والباشميل ع المقادير:اسلقي بطاطس وصفيه وضيفي عليه كريمه وجبن سايل وملح وفلفل واهرسيه بملعقه
والحين حضري الباشميل حطي زبد وشوي طحين وصدقيني ماقط استخدمت معايير الا نادرا يعني بعيني وحمسيه عشان الطحين يروح طعمه عقب براحه ضيفي الحليب ويدك الثانيه خلطي المزيج وخليه على نار هاديه حطي عليه ملح وفلفل ابيض وشوي جوز الطيب
وهني قريب بتجهز
وجهزي الحين اللحم المفروم حمسي بصل وثوم وحطي اللحم مع فلفل رومي وكمون وملح وفلفل بودر بابريكا وخليها تتسبك او الطريقه اللي تحبين
بعد ماجهزت كل الطبقات نبتدي الحين في بايركس حطي اول طبقه اللحم
بعدها البطاطس المهروس مع الكريمه
وعقب البشميل
وعقب الجبن المبشور وعلى الفرن
وهني جهزت
جوفي هذي القطعة مممممممممم
وذي لأول وحده تدش الموضوع..وبالعافية.
صحتين.
