طريقة عمل المليحيه بالصور
بواسطة: دندونه
تاريخ الوصفة: 03/02/2010
المقــاديـــر :
لحم حسب الحاجه
بصل على حسب كمية اللحم اللي عندج
ثوم هم نفس الشي على حسب الكميه
بهارات
ورق غار
فلفل بارد
حبات هيل
ملح
لبن المراعي
خبز صاج
كوب رز مصري
الطــريقــه :
تغسلين اللحم عدل مدل
تالي تحمسين اللحم مع البصل والثوم والبهارات وورق الغار وحبات الهيل والفلفل البارد على نار هاديه ( نص ساعه ) علشان يتشرب البهارات
وتضيفين عليه الماي إلين يغطي اللحم وترفعين النار عليه لين يستوي
بعد مايستوي اللحم نصفيه من المرق ونتركه على صوب
طريقّة عمل الرز المصـري :
وفي هذه الأثناء نسوي الرز المصري ..
مقدار كوب رز مصري مقابل 3 اكواب ماء علشان يكون طري حيل
نحط الماي على النار مع شوية زيت ومكعب ماجي لين مايغلي ونضيف الرز المصري المغسول
ونفس طريقة الرز العادي ونغطي عليه الين مايستوي
نجّي الحين حق طريقة مرقة المليحيه
نشيل مرقة اللحم وبجدر ثاني حطي شوي زيت ملعقة وحده جذي مع نص راس ثوم مهروس وبصّله وتشوحينهم على النار
مع مكعب مّاجي تضيفينه عليهم
ونضيف ماي اللحم على الجدر اللي حمستي فيه البصل والثوم وتأكدي من كمية الملح
يضاف اللبن على ماي المرق لبن المراعي ( اذا عايله لترين ) اذا أفراد شوي يكفي لتر + ملعقة شوفان كويكر
وتمي حركيه اللين يفور المرق اللي عندج . . ولاتشيلين ايدج من التحريك إلين يفور المرق عندج , عشان مايعّزل اللبن عن مرق اللحم
اذ وصلت المليحيه لدرجة الغليان وقلبت عندج ضيفي عليها رشة نعناع وفلفل أسود ..
[color=#ff0000]التقديم[/color]
[color=black]بصينيه كبيره قطعي خبز صااج ( تضبط بالخبز الصااج أفضل )
ووزعي الخبز المقطع على الصينيه
[B]وحطي دار ماداره رز مصري مطبوخ[/B]
[B]
[/B][B]وحطّي اللحم بنص الصينيه فوق الخبز[/B]
[B]
[/B][B]
[/B][B]وصّبي مرقة المليحيه فوق الخبز واللحم الين يتشرب الخبز[/B]
[B]
[/B][B]وعليكم بألف عافيه [/B][/color]
