حلي قهوة خطير.. لذيذ .. سهل واللي تبي االطريقه تدخل
بواسطة: Bent Rome
تاريخ الوصفة: 14/09/2009
حلي قهوة خطير.. لذيذ .. سهل واللي تبي االطريقه تدخل
حلى قهوه
السلام عليكـــــــــــــــم ورحمة الله وبركاته
هذي طريقة حلى قهوه رائع وبالصور اتمنى تعجبكم
وكل من ذاقه قال يبي الطريقه
بس عاد انا ام النذاله فيني اقولهم بعدين
وانتي رايحه بيتك اعطيك عشان اطمن يغسلون معي
عاد صديقاتي عارفين طريقتي ولا يزعلون مني
مقادير الطبقه الاولى
كاس نيدو محمص لحد مايصير ذهبي
ثلاث ارباع الكاس سكر
نص كاس زيت
خمس بيضات
ملعقه صغيره بكنج بودر
نص ملعقه صغيره نسكافيه
وهنا بعد ماخلطنا كل المقادير في خلاط الكاس
نصبه بالصينيه ويدخل الفرن ثلث ساعه
وبعد مايطلع من الفرن نكون مجهزين الطبقه الثانيه
8 حبات كيري + بياله حليب بارد + بياله سكر نخلطها بالخلاط ونضعها على الطبقه الاولى
نجي نحضر الطبقه الثالثه والاخيره
كريم كرامل + 3 ملاعق نيدو + 2 ملعقه كاكاو بودر + كاس مويه
ونحركها على النار لحد ماتغلي ونصبها فوق الحلى ونبرده
وهناا بعد مابردت وقطعتها وزينتها بالهيرشي السايل
