خبز الجباتي بالصور خطوة بخطوة
بواسطة: آمال تناطح الآلام
تاريخ الوصفة: 27/08/2009
قبل فتره عملت خبز الجباتي وطلع لذييييذ
قلت بنزله لأخواتي عشان يستفيدوا
المقادير:
(مقدار4 خبزات)
2كاس دقيق
2ملعقة كبيرة زيت
ماء على حسب العجينة (يعني لين تتماسك)
الطريقة
تعجن المقادير السابقة مع بعض حتى تصير عجينة متماسكة
يعني ماتكون لينة مره ولا قاسية زي عجينة البف تقريباً (أقصد قوامها)
اتركيها ترتاح ربع ساعة ، بعدين قسميها أربع أقسام خذي أول كوره
وافردي ورققيها مررره مثل هذي الصورة
بعدين ادهنيها بالزيت واطويها مثل هذي الصورة
بعدين اطويها مثل الحلزون زي الصورة
وهكذا حتى تنتهي الكمية ، واتركيها ترتاح ربع ساعة
الكورة البيضاء اللي على اليسار دهنتها بجبن بدل الزيت
بعدين افرديها مثل الصورة وحطيها على صاج تيفال
وهذي الخبزه على الصاج
وهذي شكلها بعد ما استوت
وهذي اللي دهنتها بجبن
انحرقت شوي
شوفوا كيف الطبقات بس مو واضحة مره بالصورة
اتمنى تكون نالت إعجابكم
ولا تنسوني من دعواتكم
