كنافه بخبز التوست وبالصـور

كنافه بخبز التوست وبالصـور


جبت لكم كنافه توست جنان راح تعجبك


وتشرفك قدام ضيوفك بوصفه من معجنات التوست

نبدا في المقادير



خبز توست
زبده

مقادير القشطه :

نشاء ذره
حليب بودره
سكر
فنيليا
جبنه مالحه اختياري انا حطيتها تعطي ملوحه على حلاوه روعه بس انتي وراحتك
ماء

الطريقه :

نطحن التوست بطحانه البصل يصير مثل الصوره


ونسيح الزبده بس نخلي منها قطعه صغيره حق دهن الصينيه بقول لكم كيف بعدين بعد ما تسيح الزبده نحطها على التوست ونفرك هما جيدا بيصيرون كذا


الحين خلصنا من التوست نجيب الصينيه انتو شفتو مع المقادير في الصوره لون طعام هنا نحط في الصينيه نقطه منه انا حطيت من الاحمر نقطه ومن الاصفر نقطه ونحط معاه الزبده اللي خليناها ما سيحناها وندهن الصينيه فيهم الالوان والزبده ونوزعها زين


ونحط نص التوست في الصينيه ونوزعه ونظغط عليه زين


نخلط مقادير القشطه على النار ماعدا القشطه والجبنه نخليهم اخر شي بعد ما تغلي وتثقل المهلبيه النشاء ونبعدها عن النار ونضيف القشطه والجبنه وحركها جيدا


نضع القشطه على التوست اللي في الصينيه نوزعه من غير ما نوصل للاطراف معلييش ماصورت المرحله ذي ونوزع عليها باقي التوست ونضغط برفق وندخلها الفرن ونشغله من فوق وتحت اذا تحمرت من فوق طفي النار وخليها شوي وشيكي على الاطراف اذا تحمرت اخرجيها من الفرن ومشي ملعقه او سكين على الاطراف عشان اذا لازقت في الصيينيه اقلبيها على الصحن وسقيها شيره وقطعيها وبالعافيه على قلوبكم