الحلا الرومانسي - حلا قهوة جديد بالصور

بواسطة: رافعه الراس

تاريخ الوصفة: 20/08/2009

الحلا الرومانسي - حلا قهوة جديد بالصور

حبيت اشاركم طبخاتي واقدم لكم هالطبق اللي انا ابتكرته

وسميته الحلو الرومانسي
لان طعمه روعه ويخليكي تعيشين بجو رومانسي

وهذي صورته

http://up1.arb-up.com/files/arb-up-2009-8/VsO15044.jpg

من جديد وصفات حلى او حلا قهوه المتجددة, في موسوعة الطبخ نقدم حلا رومانسي بالصور ,لوصفة جديدة فيها حلا قهوة بالصور ,وهو حلا قهوة جديد ,وايضا حلا قهوة سهل

نبدأ بالخطوات مع المقادير

الطبقه الاولى

نسوي كيكه كاكاو انا سويت كيكه الروب ومقاديرها

علبه روب , وبفس العلبه سكر , ثلاث بيضات , رشه فانيلا , بالخلاط حتى يكثف الخليط
ثم نضيف بنفس علبه الروب زيت , وبنفس علبه الروب مكيال ونص طحين , ملعقتين بيكنغ بودر وملعقتين كاكاو مر

ونخبزها بالفرن حتى تستوي

بعد ماتطلع من الفرن ناخذ 2 كاكاو مارس ونقطعه قطع صغيره جدا
وننثرها فوق الكيكه بشكل عشوائي

http://up1.arb-up.com/files/arb-up-2009-8/WGn15142.jpg

وبعدين نحط بالخلاط نستله حجم كبير + 8 حبات جبن كيري + ملعقتين طحين

ونصبهم فوق الكيك بحيث يتغطى بالخلطه البيضاء تماما

ويصير بهالشكل

http://up1.arb-up.com/files/arb-up-2009-8/hlJ15177.jpg

وندخلها للفرن ونشغل الفرن بس من فوق لحد ماتجمد الطبقه البيضاء وتصك ويتحمر وجهها

ونتركها لين تبرد شوي

بعدين نرش عالوجه بالمشخال كاكاو نسكويك

وتصير بهالشكل

http://up1.arb-up.com/files/arb-up-2009-8/am415225.jpg

ثم نزينها بصلصه الكاكاو
وانا صنعت صلصتي الخاصه
قيمر كي دي دي صغير + نص علبه نستله + 4 ملاعق كاكاو بود مر + ملعقه سكر
نسخنهم عالنار شوي لين يذوب السكر وتتجانس الخلطه
ندخلهم الثلاجه لين يبرد

ثم نزين وجه الحلو ونسوي خطوط مثل خطوط الزيبرا ثم بالشوكه نسوي خطوط متقاطعه

http://up1.arb-up.com/files/arb-up-2009-8/h5d15263.jpg

وندخلها الثلاجه الي ان تبرد تماما

بعدين نقطعها بالقطاعه ونزينها بكاكاو ابيض مبشور

http://up1.arb-up.com/files/arb-up-2009-8/YMw15300.jpg

وهذا الطبق عليكم بالعاااااااااااااااااااااااااا ااااااااااااافيه

http://up1.arb-up.com/files/arb-up-2009-8/4bu15338.jpg

عندي ملاحظااااااااااااااات

لما تسوين الطبقه الي تحت اللي هي كيكه الكاكاو سويها بالصحن اللي تتحرك قاعدته
ولما تبرد فكي الصحن وبالسكين افصلي الكيكه عن الصحن وكذلك من تحت ارفعي الكيكه بالسكين وتأكدي انها مو لازقه بالصحن قبل لا تبدي بالخطوه الثانيه وهذي الطريقه تسهل عليك تقطيعها بالقطاعه

لما تستخدمين القطاعه حطي عندك قدر فيه ماء مغلي وحطي القطاعه بالماء الحار قبل لا تبدين التقطيع وهذي الطريقه تسهل عليك التقطيع بشكل مضبوط

وبالعافية