الرشوفة اكلة المرأة الوالده من البحرين

من المطبخ البحريني - وصفات واطباق من البحرين - مطبخ قصيمي نت




الرشوفة اكلة المرأة الوالده من البحرين

الرشوفه هاذي طبخة أكيد كلكم سمعتم عنها . لذيذة ولها قيمة غذائية عاليه
وتقدم أكثر شيء للوالدة في فترة النفاس لإحتواء مكوناتها على الفيتامينات
والمعادن والنشويات والسكريات والبروتين الضروري لاستعادة صحتها وقوتها .

المقادير:-
كوب حلبة ( حب مو حلبة ورق أخضر )
كوب رشاد ( تحصلونة في البراد قسم البهارات مكتوب عليه رشاد )
نص كوب سمسم
كوبين طحين رقم 2 .
كوب ونص سكر .
5 بيضات
كوب زيت ويفضل اللي نسميه ( دهن خالدي )
4 أكواب ماء
3 ملاعق بهارات مشكلة
1 ملعقة فلفل أسود مطحون
1 ملعقة كركم

الطريقة :ـ

ننقع الحلبة بعد ما ننقيها ونصفيها من الأوساخ وكذلك ( الرشاد ) مدة 5 ساعات .
ونخلي الماء يغطي الحلبة بمقدار النصف .

ننخل الطحين , ونضعة في القدر ونحركة شوي شوي ( يعني نقلي الطحين )
لين يحمر لونه , مو نحرقة ويصير لونه أسود .

بعدين نبعده عن النار ونضيف له الماء شوي شوي ونحركه لين يصير
مثل الشوربة ضيف له الزيت والسكر والبهارات ونحرك .

نغطيه ونتركة لين يطبخ , نحط علية الحلبة والرشاد والسمسم ونحرك ونتركه يطبخ .

أخر شيء نكسر فيه البيض واحدة تلو الأخرى , ونغطيه , وبعد 5 دقائق نفتح القدر
ونحرك البيض شوي .

نتركه على النار مدة نص ساعة . وبعدين نغرفة في الطاسة وناكلة ساخن

وبالهناء والشفاء .