مطازيز او مرقوق دوحه باللحم

بواسطة: دوحة القران

تاريخ الوصفة: 09/09/2008

http://photos.encyclopediacooking.com/image/recipes_pictures%D8%A3%D8%B3%D9%87%D9%84-%D8%B7%D8%B1%D9%8A%D9%82%D8%A9-%D9%84%D8%B9%D9%85%D9%84-%D8%B9%D8%AC%D9%8A%D9%86%D8%A9-%D8%A7%D9%84%D9%85%D8%B1%D9%82%D9%88%D9%82-%D9%85%D9%83%D9%88%D9%86%D8%A7%D8%AA-%D8%A7%D9%84%D9%85%D8%B1%D9%82%D9%88%D9%82-%D9%85%D8%B7%D8%A7%D8%B2%D9%8A%D8%B2-%D8%A7%D9%88-%D9%85%D8%B1%D9%82%D9%88%D9%82.jpg

اليوم طبقت لكم مطازيز بس سويتها كبار من العجز
يعني صارت في النهايه مرقوق

ونبدا بالخطوات المصوره

للعجينة اول شي اعجني
كاس ونص طحين بر
مع شوي ملح
وماء حسب العجن
يعني صبي شوي شوي

لين تصير متماسكه وقاسيه بس مو مره يعني مثل الفطاير وغطيها وخليها على جنب

بعد كذا كشني البصل مع الثوم ولما يذبل ضيفي له
ملعقتين معجون طماطم

سبكي المعجون شوي بعدين ضيفي له حبة طماطم
مقطعه صغار وخليها تتسبك وتبليه بالملح والبهار والكمون
والليمون الاسود والماجي و الفلفل الاسود وحبحر طازج

وبد كذا ضيفي اللحمه وحمسيها مع الكشنه شوي
وقصري للنار وخليها على نار هاديه ربع ساعه

بعد الربع ساعه صبي عليهم مويه مغليه لنص القدر
وطبقيه وخليه يطبخ لما تستوي اللحمه تقريبا نص استواء
وفي هالوقت جهزي العجين اول شي قطعيه قطع صغيره
وكوريها

واخبزيها وافرديها بالاله او بيدك

بعد الخبز حطيها وحده وحده بالقدر وكل ماحطيتي وحده نزليها في المرق شوي عشان مايلزقون في بعض

واذا ماعندك الاله رقيها بايدك قرص قرص وعلى طول في القدر

وطبعا تكونين مجهزه الخضار قطع كبيره

صفي الخضار كلها على المطازيز وخليها تطبخ وشوفي كمية المرق

بعد كذا غطي القدر وخليها تطبخ ربع ساعه وبعدين
قصري له وخليه على نار هاديه لمدة ساعه او اكثر
وكل ما طول كل ماكان الذ وقبل تقديمه بربع ساعه
حطي فوقه ربع اصبع زبده يذوب ويتسبك معه

اتمنى يعجبكم وتقررون تجربونه
عليكم بالف صحه وعافيه