دجاج مصالحه { اكله باكستانيه }

جبت لكم اليوم طبق باكستاني لذييييييييييذ
بمعنى الكلمه وطريقته سهله وماتبي شغل كثير

[color=Magenta]ونبدا بالطريقه المصوره

اول شي جهزي الدجاج نظفيه وانزعي الجلد وقطعيه اثمان
وذبحيه
واخلطي في الخلاط طماطتين كبيره مع ملعقتين معجون طماطم
وفرخين ثوم وبصله صغيره
وجهزي البهارات اللي هي هيل ودارسين وورق غار
وثوم بودره وزنجبيل بودره وبهارات دجاج وببريكا وفلفل اسود واحمر
وملح وماجي ابيض وشوي نعناع ناشف او اوريقانو
مثل ماتشوفون في الصوره



بعد التجهيز حطي الدجاج في قدر الضغط وضيفي له كاس مويه
مغليه وربع كمية الطماطم اللي في الخلاط
واطبخيه في القدر ربع ساعه
وفي اثناء استواء الدجاج حطي الطماطم اللي في الخلاط
على النار عشان تتسبك وضيفي لها البهارات وخليها
تطبخ على نار هاديه
وبعد مايستوي الدجاج صفيه في صينيه بايركس
وضيفي لتسبيكة الطماطم ملعقتين زبادي وملعقة
حليب جوز الهند او استبدليه بكريمة الخفق او ربع كاس حليب سايل
مثل ماتشوفون في الصوره



بعد كذا زيني الدجاج باصابع كريسبي واخفقي الزبادي
والحليب مع الطماطم مثل ماهو واضح في الصوره



وصبي التسبيكه على الدجاج بهالشكل



ودخليها الفرن من فوق وتحت سوا
وقصري للنار من تحت وخليه بس عشر دقايق عشان تتداخل النكهات
ومن فوق لين يتشقر بهالشكل



وهذا شكله النهائي مع طبق رز فاخر



خساره نسيت اصور صوره اقرب

اتمنى يعجبكم وتقررون تجربونه
عليكم بالف صحه وعافيه [/color]