• EN
  • اشراف أم حاتم

شوربة كويكر بالخضار

بواسطة: دوحة القران
تاريخ الوصفة: 09/09/2008

شوربة كويكر بالخضار
http://photos.encyclopediacooking.com/image/recipes_pictures%D8%B4%D9%88%D8%B1%D8%A8%D8%A9-%D9%83%D9%88%D9%8A%D9%83%D8%B1-%D8%A8%D8%A7%D9%84%D8%AE%D8%B6%D8%A7%D8%B1.jpg


الشوربه هذي بدون دسم وبدون تكشين
ولا لحم ولا دجاج
يعني للرشاقه بالخضار والشوفان
فقط
وسريعه بالمره يعني بالكثير نص ساعه وجاهزه

ونبدا بالطريقه المصوره
اول شي قطعي الخضار اللي ترغبين في القدر
ومعها البهارات والملح والماجي ومعجون الطماطم

صبي عليهم مويه مغليه واطبخيه لمدة ربع ساعه
او لين تستوي الخضار بهالشكل



المهم بعد كذا رشي عليها الشوفان { الكويكر }
كميه بسيطه وحركي لين توصل للثقل اللي
تبينه فيه احد يحبها ثقيله يكثر شوفان
اما اللي يحبها خفيفه يقلل
انا احبها وسط احط مقدار ثلاث ملاعق كبيره
للكميه هذي وحركيها لين تتجانس
وقصري لها عشر دقايق وبالعافيه
وهذا الشكل النهائي

واذا تبونها بلحم او دجاج لابد من التكشين
يعني كشني البصل وبعده اللحم لين يتسبك
ثم الخضار وتبليها وصبي عليها مويه مغليه
وخليها تطبخ
وكملي نفس الطريقه


http://photos.encyclopediacooking.com/image/recipes_pictures%D8%B4%D9%88%D8%B1%D8%A8%D8%A9-%D9%83%D9%88%D9%8A%D9%83%D8%B1-%D8%A8%D8%A7%D9%84%D8%AE%D8%B6%D8%A7%D8%B1.jpg


اتمنى تعجبكم وتقررون تجربونها
عليكم بالف صحه وعافيه


إرسال الوصفة