برستد دجاج فاخر مع المقبلات والنشويات

برستد بس مو اي برستد مقرمش وطري وبدون سلق وبجد ااااااااااسفه لاني
نسيت اصور الخطوات ماصورت الا الشكل النهائي
بس ان شاء الله بتفهمونه بالشرح لانه سهل مره
اول شي قطعي الدجاج اثمان وانتي حره تنزعين الجلد ولا لا وبعدها نظفيه جيدا بالملح والدقيق
لازالة الزفره وخرميه ونقعيه بالتالي {ملح * فلفل اسود * ماجي ابيض * فلفل احمر * ببريكا * خل *
ثوم بودره * بهارات دجاج وافضل شي اسناد * وملعقة سكر ايه سكر ليش مستغربين
وشوي بيكربونات الصوديوم يعني للدجاجه اقل من ملعقه صغيره تطري وتخليه يستوي بسرعه
واذا تحبين نكهة صلصة الصويا صبي عليها شوي وحركيهم سوا لين يتبل كل الدجاج وحطيها في الثلاجه وكل ماطولت يكون افضل يعني اذا تبينها عشاء تبليها الظهر وانتي تصلحين الغدا
ونجي للقلي :قبل القلي ب10 دقايق طلعي الدجاج وحطي عليه بيضه وحده للدجاجه وحرحيها زين
وبعدها جيبي كيس لحم وحطي فيه نص كاس دقيق وربع كاس كورن فليكس مدقوق مومطحون
بس دقيه شوي وشوي ثوم بودره وببريكا وشوي ملح وخظيهم سوا
ولما يحتمي الزيت مو مره يعني يكون حامي ثلاث ارباع الحموه اتمنى فهمتوني بعدها جيبي الدجاج وحطي في الكيس قطعه قطعه وخظيها لين تتغطى بالخليط وعلطول في الزيت ومدة القلي تقريبا ربع ساعه او اقل شوي وانتي قلبيها في الزيت لين تستوي من جميع الجهات وعشان مايستوي من برا وجوا يكون ني بعد ماتحطينه في الزيت ويبدا الغليان خففي النار شوي بحيث انه يغلي بس ما يحترق
واذا طلعتيه من الزيت لاتغطينه عشان القرمشه ماتروح
وهذا شكله النهائي



ياليت يعجبكم وعليكم بالصحه والعافيه

[color=Magenta]صوص بطاطس :بطاطسه صغيره مسلوقه واحطها في الخلاط مع ملعقة مايونيز و3ملاعق زبادي
وشوي خل وليمون وملح وفلفل اسود ومويه اخلطها وثقلها على كيفك

صوص الثوم :بطاطسه صغيره قد البيضه مسلوقه واحطها في الخلاط مع 3فصوص ثوم وملعقتين مايونيز وملعتين زبادي وشوي خل وليمون وملح ومويه حسب الثقل اللي تبينه

وبصراحه الصوصين هاذولي طعمهم يجنن لاتفوتونهن



سلطة الفته :خياره *ورقة ملفوف * ورقتين خس * جزره مبشوره * بطاطسه صغيره مقطعه مكعبات ومقليه *باذنجانه صغيره مقطعه مكعبات ومقليه * ملعقتين بليله *ملعقتين ذره * نخلطهم سوا
ونضيف لهم علبه زبادي صغيره وملعقتين مايونيز وثوم بودره وملح وعصرة ليمون وشوي خل
ونخلطهم سوا ونحط فوقهم خبز محمص انا ماكان عندي خبز فحطيت كورن فلكس مقلي بس
الخبز الذ وهذا شكلها


سلطة كنتاكي :جزره مبشوره * ملفوف مبشور نفس مقدار الجزر * ملعقة سكر * ملعقتين
مايونيز * 3ملاعق زبادي * نخلطهم سوا وبالعافيه بس الطعم جنان وهذا شكلها


واخر شي صينية بطاطس مقلي في الفرن:حبتين بطاطس وسط مقطعه مكعبات صغيره ومقليه
واضيف لها اربع بيضات وفنجال مويه وملح حسب الرغبه
واحطها في صينية تيفال واقطع فوقها شوي بصل للنكهه الرائعه واخر شي جبن موتزريلا
واحطها في الفرن من فوق وتحت وعليكم بالعافيه وهذا شكلها


وهذي صوره جماعيه للوجبه كامله بالف صحه وعافيه مقدما


ياليت تعجبكم[/color]