كنــــــافة كذابـــــه

طبعا ليش سويت هالحلوو .. شفت اطراف التوست اللي قطعتها وقلت خلني استفيد واسوي كناافه بدال ماتنرمي حرام

المقادير :-

توست
علبة قشطة
ملعقة جبن كرافت
زبده

القطر :-

ماي +سكر


الطريقة:-

طبعا اطراف التوست المقطعه مثل ماتشوفون نحطها بالخلاط عشان نطحنها نفس الصورة







وبعدين لمن نحطهم بالصينيه نحط فوقها الزبده ونفرركها ولمن نفرك الكميه كامله نقسمها قسمين ..قسم نخليه بالصينيه والقسم الثاني نحطه بصحن مثل الصوره


الحين نسوي الحشوه اللي راح تكون بالنص

وهي عباره عن ملعقة طعام جبن كرافت +قوطي قشطه ونحركهم ويا بعض لين يمتزجون نفس الصوره



بعدين نبدا نرص التوست اللي موجود بالصينيه بظهر الملعقه عشان يلصق عدل ونخلي السطح مستوي .. ونبدا نصب المكونات فوقها مثل الصورة ..



لمن نخلص من الحشوه نبدا نحط الطبقه الثانيه من التوست ننثرها فوق الجبن والقشطه نفس الصورة





بعد هشكل ندخلها بالفرن ويكون الفرن مشغل نحمرها من فوق وتحت ..بس انتبهوا لانها بسرعه تتحمر

وهذا هو شكلها بعد ماتطلع من الفرن



وبعدين نصب عليها القطر وبكذا تكون خلصت الكنافة

طبعا لمن حطيت القطر ماصورتها ويوم افطرنا وخلصنا جيت ابي اصورها الا مادري من دش المطبخ وكلا منها لوول فيه العاافيه

وهذي صورتها بعد ما كلوها





وبالهنا والشفا اتمنى يكون عجبكم الطبق