شيش طاووق بطريقتي..... وبالصور من مطبخى
بواسطة: شهيدة
تاريخ الوصفة: 02/08/2008
في الاول نجهز المكونات
وراك دجاج مخليه
طماطم وفلفل الوان ( معنديش غير فلفل اخضر) وبصل متقطعين مكعبات
زبادى وتوم وملح وفلفل اسود وسماق وبهارات وصلصه طماطم وكاري او كركم
نخلط المكونات اللي في الصورة التانيه مع بعض اللي هما
الزبادي والتوم والبهارات والسماق والملح والفلفل الاسود والكارى
وطبعا نكون غاسلين الفراخ كويس
وننقع الفراخ في الخلطة دي على الاقل مده ساعتين
انا عن نفسي بحب ابيتها ده للجزء اللي هاستخدمه اما الباقي بحطهم بتتبيلتهم في الفريزر
ونكون مجزين الصينيه بوضع ورق فويل الومنيوم وعليه ورق زبدهونكون مجهزين الاسياخ اللي هنحط فيها بعد ما ننقعها بالميه شوي
نحط الفراخ في الاسياخ وما بينها الفلفل الاخضر والطماطم والبصل بالترتيب اللي يعجبنا
وهنا اما خلصتهم كلهم
نغطي الصينيه بالفويل ونحطها في الفرن
وهنا بعد ما استوى مده الطهي من نصف ساعه ل 45 دقيقه
يعنى اول نصف ساعه نتركة عالنار وهو مغطى وبعد ذلك نرفع الغطاء من عليه ونتركة ربع ساعه حتى تجف ميته ولكن في اوقات تجدينه جف بدون الحاجه لرفع الغطاء
درجه الحرارة 220 درجه مئوية
وبالهنا والشفا
ويارب يعجبكم
