فتة الخبز البر الجنوبية بالسمن

بواسطة: طيور

تاريخ الوصفة: 06/09/2023

طريقة عمل فتة الخبز البر الجنوبية بالسمن بالصور من وصفات مطبخ طيور

وصفة الفتة بالعسل و الزبده لذيذة ومختلفه وسهلة وسريعة من المطبخ السعودي

الفته بالعسل و الزبده من يدين الوالده الله يطول بعمرها وهالأكله جنوبيه و معروفه عند أهل الجنوب و خاصه بلآد زهران وصرآحة لذيذه مررره و مفيده وتصلح فطور او حتى عشاء ويمكن مع قهوة بس ماعمري جربتها والمقآدير تقريبيه لان امي تقيس بالنظر

traditional fatteh al janubiyah recipe

مكونات ومقادير وطريقة اعداد وتحضير وعمل فتة الخبز البر الجنوبية بالسمن :

بنحتآج لـ " للعجينة "
كوبين دقيق أبيض أو بر
مع كوب ماء
مع شويه ملح

" ب"
طآوة أو مقلى كبير
عسل ويفضل اصلي + زبده مذوبه

نخلط مقادير العجينة مع بعض
بس ننتبه ماتكون سايله مره مثل الكريب ولا ثقيله مره
تكون وسط تقريباً مثل خليط الكيك

نجهز الطآوة او المقلى
ونسخنها ع النار
ونحط نقطة زيت ونوزع الزيت بالمنديل ع المقلى كله ،،
واذا سخن نحط الخليط عليه
وننتظر لين ينشف الوجه

بعدين نقلبه ع الجهه الثانيه

لما يستوي نشيل القرص ونحطه بصحن

و نقطعه لـ مثلثات عشان يسهل تقطيعه و خاصه هو حار

و نقطعه لقطع اصغر و ضروري والقرص حار ،،
ونحطه بالحافظه او بالصحن

القرصآن و خلصناها وجاء وقت العسل و الزبده

العسل اللي استخدمته اصلي من الجنوب ،،

نآخذ منه ملعقه او ملعقتين على حسب رغبتك ونحطه في صحن صغير

ونذوب الزبده

بعد ماذابت الزبده نحطها فوق العسل

و نخلطهم عشان يمتزجون

ونصبها على القرصان

ونخلطها عشان تتشرب القرصان بالعسل و الزبده

و هذا شكلها النهائي بس الصورة مو تمام عشان الفلاش

و هذي صورة للفته كانت فطور لنا بالصبح انا وامي وابوي مع كووب شاي

اتمنى موضوعي يعجبكم ،،

واتمنى انكم تطبقوووونها ،، لأنها وربي أكله لذيذه ،، وتستحق التجربه ،،

وكمان تقدرون تاكلون القرصان مع لبن بدون تقطيع لقطع صغيره ،،

وعلينا و عليكم بالعافيه

وكل ما أتمناه الدعوة لي ولاهلي والوالده

صحة وعافية❤️♥️