كيفية طبخ مرقة الكوسا بالطريقة العراقية

كيفية طبخ مرقة الكوسا بالطريقة العراقية بالصور من مطبخ زينب الحسن

وصفة مرقة الكوسا ( مرقة الشجر الاصفر ) من الاكلات الشعبية في المطبخ العراقي

المكونات والمقادير و طبخ مرقة الكوسا بالطريقة العراقية :

نسلق اللحم ومن يستوي

نخلي قليل من زيت الزيتون بالجدر

ونحمس اللحم

و نكون مقطعين الكوسا حلقات بعد ما قشرناه وغسلناه
و نخلي الكوسا فوق اللحم
ونخلي يحمس بس مو ينمرد

بعدها نخلي حمص حب مسلوق او معلبات
وعليه ملح وفلفل اسود وكركم

ونخلي مي سلق اللحم بس يغطي مو هواية

ولا تحركوه حتى مينمرد

واختياري للي يحب يخلي طماطة وحده بدون ميفتحها ويه الفورة كلش طيبة تصير
وبس يثخن تطفون عليه

وتسون وياه تمن ابيض او بشعرية


على فكرة اللي يحبها حمرة بدل الكركم تضيفون معجون وتحمسون ونفس الخطوات بالضبط





سويت وياهم سلطة جرجير بالرمان
جرجير طماطة رمان جوز والصوص نصبه عليه وقت الاكل يتكون من عصير ليمون ودبس رمان وزيت الزيتون

نخلطه ونصبه عليها













صحتين وعافية ❤️