اكلة القيمة العراقية

طريقة عمل اكلة القيمة العراقية بالصور من وصفات مطبخ الشيف العراقية زينب الحسن

وصفة تحضير اطيب كيما او قيمة اكلة عراقية من طبخات الاكلات الشعبية في المطبخ العراقي الشعبي الاصيل

قيمة وتمن بس ريحتها كافي بلحم غنم وعلى ايدي وعلى طريقتي كلها سهلة ولذيذة اما الريحة مااحجيلكم قصة والطعم انصهار جربوها راح تعشقوها بهاي الطريقة

alqimat aleiraqia recipe a traditional food in iraq
المكونات والمقادير وطريقة عمل وتحضير اكلة القيمة العراقية :
استخدمت لحم غنم شرح
قطعته بيدي مكعبات ناعم وسط وشرحات

وقطع قليله من اللية ( شحم )
واسلگهم بمي

واضيف ورق غار وحبات هيل وتود دارسين

اخلي يستوي تمام
و اصفي واحتفظ بالمي بعد مااطلع ورق الغار وحبات الهيل وعود الدارسين

احضر جدر بي زيت

واحمس اللحم

واضيف راس بصل ناعم واحمسه
واضيف نومي بصره وهيل مطحونين وكمون وفلفل اسود وملح لان اللحم بدون ملح

ونحمس

ولا تكثرون بهار حتى لا يتغير لونها وطعمها ولا تكثرون نومي بصرة حتى لا تسود

وبعدها نضيف حمص حب مسلوك او معلب
ونحاول نهرس جزء منه اثناء التقليب والحمس
ونضيف معجون طماطة ونحمسه
وضفت طماطة مقشره ومهروسه واحمسه
واضيف مي سلك اللحم

وتكدرون تضيفون عصير طماطة اذا تحبون
اني اكتفيت بمي اللحم
ونخليها تفور وتعيش حياتها وتثخن


طريقة التمن او رز بالزعفران

نخلي زيت بالجدر
ونضيف الرز المغسول والمنگوع تقريباً نص ساعه بعد منصفي
ونضيف الملح ومي مغلي بس يغطي
ونتركه ينشف

انگع قليل من الزعفران بملعقتين اكل ماء دافي واتركه
ومن ينشف التمن اضيفه عالوجه واغطي الجدر
وانصي النار على عالاخر

واتركه يتهداا شي ثلث ساعه واقلبه واقدمه











وبالف عافية

وتقدم القيمة العراقية بالعافية















صحتين وعافية ❤️