مسخن دجاج عراقي

طريقة عمل مسخن دجاج عراقي بالصور من وصفات مطبخ الشيف العراقية زينب الحسن

وصفة تحضير اطيب اكلة مسخن الدجاج بطريقه سهله ولذيذة من طبخات الاكلات الشعبية في المطبخ العراقي الشعبي الاصيل

طبعاً هالاكلة اتعب واگول طيبة ومسويته بعدة طرق كملفوف المسخن ومسخن مع البطاطا بس هالمرة قدمتها بطريقتها الاصلية 👌وخلينه متفقين المسخن الاصل بي كمية محترمة من البصل وزيت الزيتون والسماق وتطبقون الخطوات كلها ويطلع عدكم اطيب مسخن دجاج 👌😋

iraqi chicken musakhan recipe a traditional food in iraq

المكونات والمقادير وطريقة عمل وتحضير مسخن الدجاج العراقي :

دجاجة نقطعها انصاف او اربع قطع
( اني استخدمت دجاج ذبح تكدرون تستخدمون المجمد )
ونكعها بمي وخل ابيض وملح شي ربع ساعة

بعدها نغسلها تمام ونسلگها

ونضيف للسلك
البهارات الصحيحة ورق غار عود دارسين قرنفل بسمار فلفل اسود حب وهيل حب وجزر وبصل وثوم وملح


ونتركه لحد ميستوي ياخذ وقت ساعة
وبعدها نرفع الدجاج ونصفي المي

ونحتفظ بماء سلك الدجاج لان راح نستخدمه

نقطع كمية كبيرة من البصل على شكل جوانح رفيعة

ونحمسها بزيت زيتون بكمية كبيرة

ولحد ميذبل البصل ولونه يشقر اضيف عليه سماق شي اربع ملاعق اكل ونقلبه ونطفي النار عنه

نسوي تتبيلة حتى نمسح بيها الدجاج قبل مندخله الفرن

وتتكون من عصير ليمونه وسماك وزيت زيتون واذا توفرت عدكم صلصة السماق تكدرون تضيفون منها تنطي حموضة اكثر وطعم اطيب ونخلطها تمام


نحضر السائل اللي نغمس بي الخبز
ويتكون من مي سلك الدجاج
نضيف عليه قليل من البصل المحموس مع زيته
ونرتب شغلنه نحضر صينيه او قالب دائري
وناخذ اول خبزة ونغمسه بالسائل ونخليها بالقالب
ونضيف عليها من البصل المحموس
ونكرر الطبقات حسب متحبون ٣ خبزات او اربعة

واخر شي نضيف قطع الدجاج بعد منمسحها بالتتبيلة تمام


وندخل القالب بفرن حامي نار من فوق وتحت بس ياخذ لونه نطلعه وللوجه زينته بلوز محمص
وتقدم مسخن الدجاج العراقي بالعافية





























صحتين وعافية ❤️